मंत्री प्रियांक खर्गे यांच्याविरोधात अवमानकारक विधान केल्याबद्दल विधान परिषदेतील विरोधी पक्षनेते चलवादी नारायणस्वामी आणि अल्पसंख्याक महिला जिल्हाधिकाऱ्यांना शिवीगाळ केल्याबद्दल विधान परिषद सदस्य रवी यांच्या कृतीचा निषेध करत आज बेळगावात दलित संघर्ष समितीच्या (डी.जी. सागर गट) वतीने आंदोलन करण्यात आले.

विधान परिषदेतील विरोधी पक्षनेते चलवादी नारायणस्वामी आणि विधान परिषद सदस्य रवी यांच्या विधानाचा निषेध करत आज दलित संघर्ष समितीच्या डी.जी. सागर गटाने बेळगाव जिल्हाधिकाऱ्यांमार्फत राज्यपालांना निवेदन सादर केले.

दलित संघर्ष समितीने चलवादी नारायणस्वामींवर हल्ला चढवत ते ‘चलवादी नारायणस्वामी’ नसून ‘मनुवादी नारायणस्वामी’ असल्याचे म्हटले. मल्लिकार्जुन खर्गे राष्ट्रीय स्तरावर आणि प्रियांक खर्गे राज्य स्तरावर दलित तसेच शोषित वर्गाच्या विकासासाठी काम करत आहेत. प्रियांक खर्गे यांच्या भेदक प्रश्नांची उत्तरे देऊ न शकल्यामुळे भाजप नेते अशा प्रकारची कटकारस्थानं करत आहेत. तसेच, अल्पसंख्याक महिला जिल्हाधिकाऱ्यांना अपशब्द वापरणाऱ्या एमएलसीला उच्च न्यायालयाने फटकारले असूनही ते माफी मागत नाहीत, असेही आंदोलकांनी नमूद केले.

दलित संघर्ष समितीचे जिल्हा संयोजक श्रीकांत तळवार यांनी एमएलसी चलवादी नारायणस्वामी आणि रवी यांच्या विधानांचा तीव्र निषेध केला. राज्यपालांनी तात्काळ त्यांच्यावर कारवाई करून त्यांची सदस्यत्व रद्द करावे, अशी मागणी त्यांनी केली.

यावेळी कुमार बनसोडे, सचिन पुजारी, रवी कांबळे, सतीश हरिजन, सुंदरव्वा कट्टीमनी, राजेंद्र, राजू पवार, राजू कांबळे, अमर कांबळे, आलिया सनदी, अमीन सनदी, फातिमा शेख, मकबूब शेख यांच्यासह इतर अनेक कार्यकर्ते मोठ्या संख्येने सहभागी झाले होते.