बेळगावमधील रामतीर्थ नगर येथील श्री कार्यसिद्धी अंजनेय मंदिरात जागतिक पर्यावरण दिन मोठ्या उत्साहात साजरा करण्यात आला. हा कार्यक्रम वन्यजीव पर्यावरण विकास वेदिका आणि स्नेह समाज सेवा संघ यांच्या संयुक्त विद्यमाने आयोजित करण्यात आला होता.

निवृत्त जिल्हाधिकारी एम. जी. हिरेमठ या कार्यक्रमाचे प्रमुख पाहुणे म्हणून उपस्थित होते. यावेळी बोलताना त्यांनी पर्यावरणाचे महत्त्व पटवून दिले. “पर्यावरण म्हणजे देव” असे सांगत, निसर्गाकडून मिळणारी संपत्ती अनमोल आहे आणि आपण दररोज पर्यावरणावर प्रेम करण्याची सवय लावली पाहिजे असे आवाहन त्यांनी केले.

पर्यावरण वेदिकेचे सरचिटणीस डॉ. डी. एन. मिसाळे यांनी पर्यावरणाबद्दल प्रत्येकात जागरूकता असायला हवी यावर भर दिला. पर्यावरणावर चिंतन आणि मंथन व्हायला हवे, तसेच मुलांना पर्यावरणाची जाणीव करून द्यायला हवी, असेही ते म्हणाले.

यावेळी वेदिकेचे खजिनदार जगदीश मठद, अध्यक्ष सुरेश उरबिनहट्टी, प्रो. ए. के. पाटील, मंदिर समितीचे उपाध्यक्ष एस. जी. कल्याणी, खजिनदार मनोहर काजगार, शिवानंद मठपती आणि सदस्य डी. एम. टोण्णे, एस. एल. सनदी, कृष्णा पाटील, एन. बी. हण्णिकेरी, बसवराज हिरेमठ, जी. एस. पाटील, एस. एम. मेलिनमणी, दिलीप टक्कळे, मल्हार दीक्षित, प्रशांत संगोळी, आनंद हण्णिकेरी, श्री दुर्गा महिला मंडळाच्या तनुजा हिरेमठ, सुधा मठद, निर्मला उरबिनहट्टी, काव्या चिटगी, महादेवी कामत, लता काजगार, उमा खानवाडे, सुमंगला पुन्नूरी, सुमंगला तोंटापूर, सुजाता जुट्टण्णवर, जयश्री, शशिर्रेखा नायर यांच्यासह अनेक भक्तगण आणि समिती सदस्य उपस्थित होते.