बेळगाव मध्ये शिवशरण अक्कमहादेवी यांची जयंती जिल्हा महिला संघटनांच्या एकत्रित मंच ‘धारिणी’ आणि कन्नड भवनच्या संयुक्त विद्यमाने साजरी करण्यात आली. कार्यक्रमाच्या अध्यक्षस्थानी ज्येष्ठ साहित्यिका नीलगंगा चरंतीमठ या होत्या. कारंजीमठाचे गुरुसिद्ध स्वामीजींच्या पावन उपस्थितीत अक्कमहादेवी यांच्या प्रतिमेला पूजन करून जयंतीला प्रारंभ करण्यात आला.

यावेळी विविध क्षेत्रात उल्लेखनीय कार्य बजावणाऱ्या शैलजा भिंगे आणि रत्नक्का बेल्लद यांचा सन्मान करण्यात आला. यावेळी विविध कन्नड साहित्यकृतींचे मान्यवरांच्या हस्ते प्रकाशन करण्यात आले.

या वेळी बोलताना डॉ. गुरुदेवी हुलेप्पनवरमठ यांनी सांगितले की, संपूर्ण जगात महिलांच्या भावना, संघर्ष आणि उर्मीला मंच मिळवून दिला तो १२व्या शतकातील शरणांनीच. घराच्या चार भिंतींमध्ये मर्यादित असलेल्या स्त्रियांना समाजाच्या मुख्य प्रवाहात आणून त्यांनी समान अधिकार दिले. सल्ल्यापेक्षा सक्षमीकरण अधिक महत्त्वाचे आहे हे त्यांनी जगाला दाखवून दिले आणि स्त्रीला देवतेच्या स्थानावर नेले.

कार्यक्रमात ‘शिवनाद’ नृत्याचेही सादरीकरण करण्यात आले. हेमा सोनोळ्ळी यांनी प्रास्ताविक केले. यावेळी समता होसपेटे, आशा यमकनमरडी, प्रभा पाटील, सुधा पाटील, डॉ. मैत्रायिणी गदिगेप्पगौडर, अन्नपूर्णा पाटील आणि इतर मान्यवर उपस्थित होते.