60 ते 65 फूट खोल विहिरीत पडलेल्या जर्सी गायीला वाचवण्यात अग्नीशामक दलाच्या जवानांना यश आले आहे .
अथणी तालुक्यातील कोटलगी गावातील बसवराज भैरप्पा जंबगोंडा यांची जर्सी जातीची गाय चुकून घसरून 60 ते 65 फूट खोल विहिरीत पडली .

स्थानिक नागरिकांनी अथणी अग्निशमन केंद्राला फोन करून घटनेची माहिती दिली. 60 ते 65 फूट खोल विहिरीत दोरीच्या साहाय्याने खाली उतरलेल्या अग्निशमन विभागाच्या अधिकारी व कर्मचाऱ्यांनी जर्सी गायीला सुखरूप जिवंत बाहेर काढले . सुमारे अर्धा तास हे बचावकार्य सुरु होते .

कोट्टलगी गावातील स्थानिक रहिवाशांनी अग्निशमन दलाच्या जवानांचे कौतुक केले .
सहायक अग्निशमन केंद्र अधिकारी ए.डी.मुल्ला यांच्या देखरेखीखाली आप्पासाहेब होनखांडे सादेव शिंदे, रवींद्र संगम, शिवय्या मठपती , सिद्धप्पा हगलंबी, संतोष धर्मट्टी आदी या बचाव कार्यात सहभागी झाले होते .