भावसार क्षत्रिय समाजाच्या भावसार सांस्कृतिक भवनाचा लोकार्पण कार्यक्रम 24 रोजी होणार असल्याची माहिती भावसार क्षत्रिय समाजाचे जिल्हाध्यक्ष तथा माजी उपमहापौर राजेश देवगिरी यांनी दिली.

शहरात पत्रकार परिषदेत त्यांनी ही माहिती दिली. हा कार्यक्रम दोन दिवस चालणार आहे. दिनांक :24 रोजी सकाळी 6 वाजता वास्तुशांती व सकाळी 7-30 वाजता भावसार क्षत्रिय समाज हिंगळाज येथील प्रभाकर बुवा बोधले महाराजांच्या नेतृत्वाखाली मंदिरात शोभायात्रा व कुंभमेळा, भव्य मिरवणूक काढण्यात येणार आहे. त्या दिवशी दुपारी ४ वाजता शताब्दी स्मरणिकेचे प्रकाशन कार्यक्रम होणार आहे.

आमदार बसनागौडा पाटील यत्नाळ , विठ्ठल कटकदोंड आदी मान्यवर उपस्थित राहणार असल्याची माहिती दिली. भावसार क्षत्रिय सांस्कृतिक भवनाचा उद्घाटन समारंभ 25 रोजी होणार असून विविध साधू संत व लोकप्रतिनिधी सहभागी होणार आहेत. पत्रकार परिषदेला मिलन मीरळकर, दिपक शिंत्रे यांच्यासह अनेकजण उपस्थित होते.