दर्जेदार कामे न झाल्यास कारवाई करण्यात येईल, असा इशारा सार्वजनिक बांधकाम मंत्री सतीश जारकीहोळी यांनी दिला.
मंत्री सतीश जारकीहोळी यांनी आज गोकाक-मूडलगी तालुक्याची प्रगती आढावा बैठक घेऊन अधिकारी, ठेकेदारांना इशारा दिला.

शहरातील तालुका पंचायत सभागृहात बुधवारी झालेल्या गोकाक व मुडलगी तालुक्याच्या प्रगती आढावा बैठकीच्या अध्यक्षस्थानावरून बोलताना ते म्हणाले की, तालुक्यात सुरू असलेल्या कामांची सर्वस्वी जबाबदारी अधिकारी आणि ठेकेदारांची आहे. गोकाक नगर नाका क्र. 1 ते डीवायएसपी कार्यालयापर्यंत बांधण्यात आलेला नाला रस्त्यापेक्षा 2 फूट उंच असून, पावसाच्या पाण्याची समस्या आढळल्यास कंत्राटदारांवर कडक कारवाई करण्यात येईल.

सार्वजनिक बांधकाम विभागात निकृष्ट काम करणाऱ्या कंत्राटदारांची यादी तयार करून त्यांना कामाचा ठेका न देता दर्जेदार काम करणाऱ्या कंत्राटदारांना कामाचे कंत्राट देऊन दर्जेदार रस्ते बांधण्याची कार्यवाही करावी. एकदा रस्ता झाला की तो किमान 10 वर्षे टिकेल, असे असा सल्ला त्यांनी दिला.

गोकाक व मुडलगी तालुक्यात प्राधान्याने कामे करून जनतेच्या हिताची कामे हाती घ्यावीत. लोळसुर पूल, वसतिगृहे, न्यायालयाची इमारत या कामांना अधिक महत्त्व देण्याबरोबरच विभागातील प्रलंबित कामांना प्राधान्य देऊन ग्रामीण भागाला जोडणारे रस्ते लवकर पूर्ण करावेत, असेही ते म्हणाले.

या बैठकीला गोकाकचे तहसीलदार के मंजुनाथ, मुडलगी तहसीलदार प्रशांत चन्नगोंडा, गोकाक तालुका पंचायतीचे मुख्य कार्यकारी अधिकारी मुरलीधर देशपांडे, मुडलगी तालुका पंचायतीचे मुख्य कार्यकारी अधिकारी चन्ननवर उपस्थित होते.