कर्नाटक राज्योत्सवानिमित्त सन्मानित झालेल्या कन्नड आंदोलक पद्मराज वैजन्नावर यांचा बेळगावातील माणिकबाग दिगंबर जैन बोर्डिंगच्या वतीने मंगळवारी सत्कार करण्यात आला.

बेळगावातील जैन समाजाचे पद्मराज वैजन्नावर यांनी कन्नड भाषा व संस्कृतीच्या रक्षणासाठी योगदान दिले आहे. त्यानिमित्त नुकत्याच झालेल्या जिल्हास्तरीय कर्नाटक राज्योत्सव दिन समारंभात सरकारतर्फे त्यांचा गौरव करण्यात आला होता. यानिमित्त माणिकबाग दिगंबर जैन बोर्डिंगच्या वतीनेही पद्मराज वैजन्नावर व कन्नड आंदोलकांचा मंगळवारी सत्कार करण्यात आला. यावेळी बोर्डिंगचे अध्यक्ष पुष्पक हनमन्नावर, सचिव सन्मती कस्तुरी, दत्ता डोरले, अशोक जैन, संजय कुचनुरे, अप्पासाहेब चौगुले, रतन रामगौडा आदी उपस्थित होते.