कर्नाटक राज्य ग्राम लेखाधिकांनी विविध मागण्या पूर्ण करण्यासाठी आणि विविध समस्या सोडवण्यासाठी आजपासून अनिश्चित काळासाठी संपाचा दुसरा टप्पा सुरू केला आहे.

मूलभूत सुविधा उपलब्ध करून दिल्या पाहिजेत. तांत्रिक पदांना दिले जाणारे वेतनश्रेणी ग्राम लेखाधिकारी पदांना देण्यात यावे. सेवा सुविधा उपलब्ध करून द्याव्यात.कर्तव्य बजावताना जीव गमावलेल्या कर्मचाऱ्याच्या कुटुंबाला ५० लाख रुपयांची भरपाई वाटप करावी. कर्नाटक राज्य ग्राम प्रशासकीय अधिकाऱ्यांनी प्रवास भत्त्यात वाढ, त्यांच्या मूळ विभागासह इतर विभागांमध्ये काम करणाऱ्यांसाठी अतिरिक्त वेतन यासह त्यांच्या इतर मागण्या पूर्ण करण्यासाठी आजपासून बेळगाव येथील तहसीलदार कार्यालयाच्या आवारात बेमुदत संपाचा दुसरा टप्पा सुरू केला आहे. हाताला काळी फित बांधून सरकारच्या दिरंगाई धोरणाचा निषेध केला.

३० सप्टेंबर २०२४ पासून अनिश्चित काळासाठी संप पुकारले असताना, प्रशासनाचे प्रश्न सोडवण्याचे आश्वासन दिले होते. यासाठी एक समिती स्थापन केली होती.त्या समितीने आतापर्यंत कोणतेही सक्रिय पाऊल उचललेले नाही. प्रदेशाध्यक्षांच्या आदेशानुसार राज्यातील सर्व तहसीलदार कार्यालयांसमोर ग्रामप्रशासकांनी संपाचा दुसरा टप्पा सुरू केला आहे अशी माहिती तालुकाध्यक्ष श्रीकांत शिंदे यांनी दिली.

जेव्हा संपाचा पहिला टप्पा हाती घेण्यात आला तेव्हा सरकार आपली आश्वासने पूर्ण करेल असा केवळ तोंडी विश्वास व्यक्त करण्यात आला. मात्र अद्याप कोणताही प्रतिसाद मिळालेला नाही असे कुद्रेमणी गावाचे प्रशासक कौसर म्हणाले.

यावेळी बेळगावचे ग्राम प्रशासन अधिकारी उपस्थित होते.