प्रयागराज येथील महाकुंभ मेळ्यात झालेल्या चेंगराचेंगरीत मृत्युमुखी पडलेल्या चार जणांपैकी दोघांचे मृतदेह पहिल्या टप्प्यात आज बेळगावात पोहोचले. यावेळी लोकप्रतिनिधी व जिल्हा प्रशासनाने मृतदेह आणून पुष्पहार अर्पण करून मृतांच्या कुटुंबीयांचे सांत्वन केले.

महाकुंभात झालेल्या चेंगराचेंगरीत ज्योती हत्तरवाठ (वय 44, रा. वडगाव, बेळगाव), मुलगी मेघा हत्तरावाठ ((24), आणि अरुण कोपर्डे (61, रा. शेट्टी गल्ली) आणि महादेवी बावनूर (48, रा. छत्रपती शिवाजी नगर) यांचा मृत्यू झाला. पहिल्या टप्प्यात शेट्टी गल्लीतील अरुण कोपर्डे (वय 61) आणि छत्रपती शिवाजी नगर येथील महादेवी बावनूर (वय 48) यांचे मृतदेह बेळगाव येथील सांबरा विमानतळावर दाखल झाले. यावेळी खासदार जगदीश शेट्टर, प्रियांका जारकीहोळी, आमदार आसिफ सेठ, अभय पाटील, माजी आमदार अनिला बेनके, माजी मंत्री शशिकांत नाईक, भाजप जिल्हाध्यक्षा गीता सुतार, ग्रामीण अध्यक्ष सुभाष पाटील, आदींसह भाजपचे पदाधिकारी तसेच जिल्हाधिकारी मोहम्मद रोशन, एस.पी. डॉ. भीमा शंकर गुलेद डीसीपी रोहन जगदीश आदींनी मृतदेहाला पुष्प अर्पण करून कुटुंबीयांचे सांत्वन केले.

बेळगावचे जिल्हाधिकारी मोहम्मद रोशन यांनी सांगितले कि, पहिल्या टप्प्यात शेट्टी गल्लीतील अरुण कोपर्डे (६१) आणि छत्रपती शिवाजी नगर येथील महादेवी बावनूर (४८) यांचे मृतदेह बेळगावात दाखल झाले असून, दिल्लीहून गोव्याला येणाऱ्या विमानाद्वारे दुसऱ्या टप्प्यात बेळगावच्या वडगाव येथील ज्योती हत्तरवाठ (४४) आणि मुलगी मेघा हत्तरवाठ (२४) यांचे मृतदेह बेळगावमार्गे गोव्यात आणण्यात येणार आहेत.वेळेअभावी प्रयागराज आणि दिल्लीत शवविच्छेदन झाले नाही. बेळगाव येथे शवविच्छेदन करून मृतदेह कुटुंबीयांच्या ताब्यात देण्यात येणार असल्याचे त्यांनी सांगितले. विलंबाचे धोरण न अवलंबता सर्व प्रक्रिया पूर्ण करणार असल्याचे त्यांनी सांगितले.

यावेळी बोलताना खासदार प्रियांका जारकीहोळी म्हणाल्या की, चेंगाचेंगरीत चार जणांचा मृत्यू झाला आहे. त्यात एका २४ वर्षीय महिलेचा मृत्यू झाला. त्याचे नुकतेच कॉलेज संपले होते. आयुष्य मोठे होते. यावेळी आम्ही मृतांच्या कुटुंबियांसोबत आहोत.तब्बल 144 वर्षांनंतर महाकुंभमेळा होत आहे. तर, लोकांची मोठी गर्दी झाल्याने चेंगराचेंगरी झाली. तेथील सरकार गर्दीवर नियंत्रण ठेवण्याचा प्रयत्न करत आहे.तसेच मृतांच्या कुटुंबीयांना प्रत्येकी दोन लाख रुपये. आमचे मंत्री सतीश जारकीहोळी यांनी वैयक्तिकरित्या नुकसानभरपाई देण्याची घोषणा केली आहे. राज्य सरकारकडून नुकसान भरपाई देणार असल्याचेही त्यांनी सांगितले.

तत्पूर्वी त्यानंतर मृतदेह थेट पोस्टमॉर्टमसाठी पाठवण्यात आले. महादेवी बावनूर यांच्या पार्थिवावर नूलवी, हुबळी येथे अंत्यसंस्कार करण्यात येणार आहेत.
प्रयागराजच्या महाकुंभमेळ्यात झालेल्या चेंगराचेंगरीत मृत्युमुखी पडलेल्यांचे मृतदेह आज दिल्लीतील कर्नाटक भवनात दाखल झाले तेव्हा दिल्लीतील केंद्र सरकारचे विशेष प्रतिनिधी टी.बी. जयचंद्र आणि काँग्रेसच्या युवा नेते मृणाल हेब्बाळकर यांनी पार्थिव शरीराला पुष्पहार अर्पण केला. याच वेळी चेंगराचेंगरीतील जखमींच्या प्रकृतीचीही त्यांनी विचारपूस केली.