महाराष्ट्र एकीकरण समितीतर्फे आज बेळगाव येथे सीमा लढा आणि संयुक्त महाराष्ट्राच्या लढ्यातील हुतात्म्यांना श्रद्धांजली वाहण्यात आली.

महाराष्ट्र एकीकरण समितीतर्फे आज बेळगाव येथील हुतात्मा सर्कल येथे सीमा लढ्यात शहीद झालेल्यांना आणि संयुक्त महाराष्ट्राच्या लढ्यात शहीद झालेल्यांना श्रद्धांजली अर्पण करून 2 मिनिटे मौन पाळण्यात आले. तेव्हा मान्यवरांनी हुतात्म्यांच्या बलिदानाचे स्मरण केले.

मुंबईतील 1969 च्या आंदोलनात शहीद झालेले शिवसेना कार्यकर्ते आणि 1 जून 1986 नंतर सीमा लढ्यात शहीद झालेल्या 9 जवानांचे स्मरण दरवर्षी 17 जानेवारीला केले जाते. त्यांच्या बलिदानाला व्यर्थ जाऊ न देण्यासाठी कार्य करण्याची आवश्यकता असल्याचे मालोजीराव अष्टेकर यांनी सांगितले.

केंद्र सरकारकडून 1956 मध्ये सीमावर्ती भागात झालेल्या अन्यायाविरोधात चालवलेला लढा अखंड सुरू आहे. संयुक्त महाराष्ट्राच्या मागणीची आजही पूर्तता झालेली नाही. सीमावाद लढ्यात शहीद झाल्यांच्या मागण्या पूर्ण होईपर्यंत लढा थांबवला जाणार नाही, असे राजाभाऊ पाटील यांनी सांगितले.

यावेळी , सी.ए. येतोजी, प्रकाश मरगाळे, रणजीत चव्हाण पाटील, रमाकांत कोंडुसकर, मदन बामणे, अंकुश केसरकर यांच्यासह महाराष्ट्र एकीकरण समितीचे अनेक पदाधिकारी व कार्यकर्ते सहभागी झाले होते.