गांधी भारत कार्यक्रमाच्या पार्श्वभूमीवर आज काँग्रेसचे नेते महात्मा गांधींनी भेट दिलेल्या बेळगावमधील विविध ठिकाणांना भेट देणार असल्याची माहिती उपमुख्यमंत्री डी.के. शिवकुमार यांनी दिली.

बेळगावच्या सर्किट हाऊसमध्ये माध्यम प्रतिनिधींशी संवाद साधताना ते म्हणाले, “१९२४ मध्ये महात्मा गांधींच्या अध्यक्षतेखाली झालेल्या राष्ट्रीय काँग्रेसच्या अधिवेशनाला शंभर वर्षे पूर्ण होणारे आहेत. या पार्श्वभूमीवर २६ आणि २७ डिसेंबर रोजी काँग्रेस पक्ष आणि सरकारतर्फे गांधी भारत कार्यक्रमाचे आयोजन करण्यात आले आहे. यासाठी आज काँग्रेसचे नेते वीरसौध आणि गांधीजींनी भेट दिलेल्या ठिकाणांची तपासणी करणार आहेत.”

तसेच, “गांधी भारत कार्यक्रमात अखिल भारतीय काँग्रेस कमिटीचे अध्यक्ष राहुल गांधी आणि मल्लिकार्जुन खर्गे यांच्यासह इतर अनेक नेते सहभागी होणार आहेत,” अशी माहिती त्यांनी दिली.

तसेच, गांधी भारत कार्यक्रमाच्या पार्श्वभूमीवर पुढील वर्षभर विविध कार्यक्रम आयोजित केले जाणार असून, महात्मा गांधींच्या पुतळ्यांचे निर्माण आणि इतर विविध कार्यक्रम देखील आयोजित केले जातील, असेही त्यांनी सांगितले.