बेळगाव जिल्ह्यातील पर्यटन स्थळे देशभर लोकप्रिय करून बेळगावच्या पर्यटनाचा विकास करण्यासाठी बेळगाव टपाल विभागाने हातमिळवणी केली आहे.असे पोस्ट विभागाचे अधीक्षक विजय बडोणी यांनी सांगितले .

जिल्हा प्रशासन आणि बेळगाव पर्यटन विभागाच्या वतीने आज जागतिक पर्यटन दिन साजरा करण्यात आला. यावेळी आमदार आसिफ सेठ, जिल्हा पोलीस अधीक्षक डॉ. भीमा शंकर गुळेद , शहर पोलीस आयुक्त याडा मार्टिन , टपाल विभागाचे अधीक्षक विजय बडोनी, पर्यटन विभागाच्या सहसंचालक सौम्या बापट, संचालक डॉ. राजेंद्र के व्ही यांच्यासह इतर मान्यवर उपस्थित होते. मान्यवरांच्या हस्ते कार्यक्रमाचे उद्घाटन करताना, बेळगाव जिल्ह्यातील पर्यटन स्थळांचा प्रचार करण्यासाठी टपाल विभागाच्या सहकार्याने विशेष टपाल तिकिटे, आणि पोस्ट पाकिटे , पोस्टल चित्र कार्डचे विमोचन करण्यात आले.

यावेळी बोलताना बेळगाव उत्तरचे आमदार आसिफ सेठ म्हणाले की, पर्यटक आधी सुरक्षेचा विचार करतात. बेळगावात कायदा व सुव्यवस्था मजबूत आहे. बेळगाव पोलीस दिवसरात्र मेहनत करतात. गोव्यापेक्षा कर्नाटकात चांगली पर्यटन स्थळे आहेत. बेळगाव किल्ल्याची तटबंदी विकसित करावी. यामुळे पर्यटक आकर्षित होतील याकडे त्यांनी पर्यटन विभागाचे लक्ष वेधले. पर्यटकांना चांगली सेवा देऊन त्यांना आकर्षित करण्याचे काम करावे, असे आवाहनही त्यांनी केले.

बेळगाव जिल्ह्याचे पोलीस अधीक्षक डॉ. भीमा शंकर गुळेद म्हणाले की, बेळगाव जिल्ह्यात अनेक प्रेक्षणीय स्थळे आहेत, पर्यटन विभाग जिल्ह्यातील प्रेक्षणीय स्थळांची काळजी घेत आहे हे कौतुकास्पद आहे. पर्यटनासाठी शांतता व सुव्यवस्था राखणे आवश्यक आहे. आधी जम्मू-काश्मीरला जायची भीती वाटत होती. आता ते नियंत्रणात आले आहे. तसेच भीतीचे वातावरण निर्माण केले पाहिजे, असे ते म्हणाले.

शहर पोलीस आयुक्त याडा मार्टिन म्हणाले की, आमचे राज्य अतिशय सुंदर आहे. डोंगर, समुद्र, जंगल, धबधबा सर्व प्रकारची पर्यटन स्थळे येथे आहेत. कर्नाटकसाठी ही अभिमानाची बाब आहे. बेळगाव जिल्हा देखील एक सुंदर पर्यटन स्थळ आहे. लोकांची वागणूकही पर्यटकांशी योग्य असायला हवी. पर्यटन स्थळांची स्वच्छता राखली पाहिजे. ही सर्वांची जबाबदारी आहे, असे ते म्हणाले.

टपाल विभागाचे अधीक्षक विजय बडोणी म्हणाले की, सुंदर बेळगाव जिल्हा हा ऐतिहासिक व आदर्श जिल्हा बनविण्यासाठी टपाल विभाग आणि पर्यटन विभागाच्या सहकार्याने देशभरातील प्रेक्षणीय स्थळे, प्रसिद्ध मंदिरे, ऐतिहासिक स्थळे, पर्यटन स्थळांची माहिती देण्यात येत आहे. पर्यटन स्थळांच्या विकासावर सरकारने मोठा भर दिला आहे. ते म्हणाले की, भारतीय टपाल विभाग, पर्यटन आणि जिल्हा प्रशासन यांच्या सहकार्याने सर्व पर्यटन स्थळांना लोकप्रिय करण्यासाठी विशेष टपाल तिकिटे, आणि लिफाफ्यांसह पोस्टल पिक्चर कार्डचे वाटप करण्यात येत आहे.

यावेळी मान्यवरांच्या हस्ते विविध वस्तूंचे विक्री व प्रदर्शन स्टॉल लावण्यात आले होते .