जमिनीच्या व्यवहारासंदर्भात बच्चा खानच्या साथीदारांच्या गटाने शहरातील एका व्यक्तीला सतत धमकावल्याप्रकरणी हुबळी – धारवाड सीसीबी पोलिसांनी कुख्यात राऊडी बच्चा खानसह 8 जणांना अटक केली आहे.

जमिनीच्या व्यवसायाबाबत खरेदीदार आणि विक्रेते यांच्यात झालेल्या वादाच्या पार्श्वभूमीवर बच्चा खानच्या साथीदारांच्या टीमने जमीन विक्रेत्यांना कोट्यवधी रुपये देण्यासाठी सतत धमकीचे फोन केल्याप्रकरणी जमीन मालकाने सीसीबी पोलिस ठाण्यात तक्रार दाखल केली होती.

आरोपींच्या शोधासाठी 3 पथके तयार करण्यात आली होती. या प्रकरणी हुबळी-धारवाडमध्ये ७ जणांना अटक करण्यात आली असून मुख्य आरोपी बच्चाखान याला बेंगळुरू येथे ताब्यात घेऊन अधिक माहिती गोळा केली जाईल, असे हुबळी धारवाडचे पोलीस आयुक्त एन. शशीकुमार यांनी सांगितले.

पोलिसांनी सदर आरोपींना ताब्यात घेऊन उपनगर पोलिस ठाण्यात बोलावल्यानंतर मुख्य आरोपी बच्चा खानने नकार दिला. पोलिस आयुक्त आणि वरिष्ठ पोलिस अधिकाऱ्यांसमोर त्यांनी ‘यह सब झूट है’ अशी घोषणाबाजी केली….