माजी केंद्रीय मंत्री, महाराष्ट्राचे माजी मुख्यमंत्री आणि विद्यमान खासदार आणि राष्ट्रवादी पक्षाचे सर्वेसर्वा शरद पवार यांनी आज बेळगावमधील केएलई संस्थेच्या नव्याने बांधलेल्या कॅन्सर हॉस्पिटलला भेट दिली.

रुग्णालयाला भेट दिल्यानंतर बोलताना ते म्हणाले, या रुग्णालयासाठी २०११ मध्ये जमीन देण्यात आली होती. या जमिनीवर अत्याधुनिक तंत्रज्ञानावर आधारित रुग्णालय उभारण्यात आले आहे. बेळगाव शहरातील सर्वात सुसज्ज हॉस्पिटल पाहून मला खूप आनंद झाला. या रुग्णालयात अनुकूल आणि दर्जेदार उपचार नक्कीच मिळतील, असे ते म्हणाले.

केएलईचे कार्यकारी अध्यक्ष डॉ. प्रभाकर कोरे म्हणाले की, रुग्णालयाची सर्व कामे पूर्ण झाली असून यापूर्वीच एक विभाग सुरू करून रुग्णांवर उपचार केले जात आहेत. दोन महिन्यांत हे रुग्णालय लोकसेवेसाठी दाखल होईल, असे त्यांनी सांगितले. या भागात कर्करोगाच्या सर्वसमावेशक उपचारांसाठी अत्याधुनिक केंद्रांची नितांत गरज होती. हे लक्षात घेऊन सर्व उपचार एकाच छताखाली मिळावेत, या उद्देशाने 300 खाटांचे रुग्णालय बांधण्यात आले आहे, असेही ते म्हणाले.

कर्करोग रुग्णालयाचे वैद्यकीय संचालक डॉ. एम.व्ही.जॉली यांनी रुग्णालयाची सर्वसमावेशक माहिती दिली. यावेळी संस्थेचे संचालक महांतेश कवठगीमठ, डॉ. व्ही.एस.साधुनवर, काहेरचे कुलगुरू डॉ. नितीन गंगणे, जेएन मेडिकल कॉलेजचे प्राचार्य डॉ. एन.एस.महंतशेट्टी, उपप्राचार्य डॉ. राजेश पवार, डॉ. व्हीएम पट्टणशेट्टी, रुग्णालयाचे मुख्य कार्यकारी अधिकारी नवीन एन. आदी उपस्थित होते.