आमच्या सरकारने बसवण्णा यांना सांस्कृतिक नायक घोषित केले आहे.     बसवण्णा आपल्या देशाचे सांस्कृतिक नेते झाले तर आपण आपल्या मुलांना आपल्या घरचे सांस्कृतिक नेते बनवूया, असे आवाहन महिला व बालविकास मंत्री लक्ष्मी हेब्बाळकर यांनी केले आहे.  आडविश्वर देंवरु यांच्या  नेतृत्वाखाली, बेळगाव येथील सांब्रा बसवेश्वर मंदिरात श्रावण महिन्यानिमित्त आयोजित महात्मा जीवन दर्शन प्रवचन कार्यक्रमात सहभागी झाल्यानंतर   त्यांनी  भाषण केले.

आम्ही बसवण्णांचे अनुयायी आहोत. आम्ही त्यांच्या मार्गावर चालतो हे दाखवण्यासाठी आम्हाला सांस्कृतिक नेते घोषित केले जाते. बसवण्णा म्हणालेत  की, दया हे धर्माचे मूळ आहे, चोरी करू नका, मारू नका, वाईट बोलू नका, इतरांचा अपमान करू नका. त्याचे शब्द स्वतःच्या जीवनात अंगीकारले पाहिजेत. पण दिवस उजाडला की बलात्कार, अधर्म, खून आणि खंडणीच्या बातम्या ऐकायला लागतात. आपली संस्कृती काय आणि आपले नाते काय हे विसरलो आहोत असे आपण वागत आहोत. बसवण्णांचे आचार आपल्या मुलांना शिकवणे ही आपली जबाबदारी आहे. आपली संस्कृती वाचवण्यासाठी आणि ती जगभर पोहोचवण्यासाठी मुलांना शिकवण्याची गरज आहे. जर बसवण्णा आपल्या देशाचे सांस्कृतिक नेते झाले तर आपली मुले आपल्या घराचे सांस्कृतिक नेते बनले पाहिजेत.   असे हेब्बाळकर  म्हणाल्या .

यावेळी म्हैसूरचे प्रसिद्ध धर्मोपदेशक पूज्य श्री निरंजन देवरु , बसवेश्वर प्रचार सेवा समितीचे सदस्य नागेश देसाई, सुरेश देसाई व ग्रामस्थ उपस्थित होते.