कागवाड तालुक्याच्या ऐनापूर नगरपंचायतीच्या नूतन अध्यक्षपदी .सरोजिनी सुरेश गाणीगेर यांची तर उपाध्यक्षपदी रत्नवा सदाशिव मादर यांची निवड करण्यात आली.

कागवाड तालुक्याच्या ऐनापूर नगरपंचायतीच्या अध्यक्षपद आणि उपाध्यक्ष पदाची निवडणूक प्रक्रिया पार पडली . नूतन अध्यक्षपदी .सरोजिनी सुरेश गाणीगेर यांची तर उपाध्यक्षपदी रत्नवा सदाशिव मादर यांची निवड करण्यात आली. शुक्रवारी पुन्हा काँग्रेस पक्षाने ऐनापूर नगरपंचायतीत झेंडा फडकवला. कागवाडचे तहसीलदार राजेश बुर्ली यांनी निवडणूक अधिकारी म्हणून काम पाहिले.

19 सदस्य असलेल्या या नगरपंचायतीत 13 सदस्य काँग्रेसचे आहेत . अन्य सहा सदस्यांनी भाजपला पाठिंबा दिला असून ऐनापूर नगरपंचायत प्रशासन आणि आमदार राजू कागे यांच्या मार्गदर्शनाखाली ही निवडणूक पार पाडली.  ऐनापूरचे नगर पंचायत सदस्य आणि काँग्रेस पक्षाचे युवा सदस्य अरुण गाणीगेर यांनी ऐनापुर नगरपंचायतीमध्ये काँग्रेस पक्षाचे आमचे ज्येष्ठ नेते, जिल्हा प्रभारी मंत्री सतीश जारकीहोळी, खासदार प्रियांका जारकीहोळी यांच्या मार्गदर्शनाखाली , , आमदार राजू कागे, माजी मंत्री प्रकाश हुक्केरी, वीरकुमार पाटील, जिल्हाध्यक्ष लक्ष्मणराव चिंगळे, सी.के. गणीगर, दिवंगत रवींद्र गणीगेर यांच्या सहकार्याने , पुन्हा एकदा नगरपंचायतीत काँग्रेस पक्षाचा झेंडा फडकावला असून,शहरातील सर्व सदस्यांना एकत्र करून शहराच्या विकासासाठी प्रयत्नशील राहू, असे सांगितले.

नगरपंचायतीच्या नूतन अध्यक्षा सरोजिनी सुरेश गाणीगेर व उपाध्यक्ष रत्नव्वा सदाशिव मादर यांनी सर्व सदस्यांना एकत्र घेऊन नगरच्या विकासासाठी परिश्रम घेणार असल्याचे सांगितले. तहसीलदार राजेश बुर्ली यांनी अध्यक्ष व उपाध्यक्ष निवड प्रक्रिया पूर्ण करून त्यांना अधिकार सुपूर्द केले. नगरपंचायतीचे मुख्याधिकारी मंतेश कौलापुरे यांनी नूतन अध्यक्ष व उपाध्यक्षांचे स्वागत करून सदस्यांना शुभेच्छा दिल्या.

अरुण गणीगर, प्रवीण गाणीगेर, अधिवक्ता संजय कुचनूर , संजय बिरडी, कस्तुरी मडीवाळर , .जयश्री हरळे , लक्ष्मव्वा आदिशेरी, राजू पोतदार , प्रकाश नाईक दरप्पा हरळे, राजू हरळे यांनी निवडणूक प्रक्रिया यशस्वी केली. सुभाषगौडा पाटील, चामगौडा पाटील, अरविंद करची, अप्पा साबळे सुनील पाटील, प्रकाश गाणीगेर,, रामू सौदत्ती, शीतल बालोजी आदींसह गावातील ज्येष्ठ नागरिक उपस्थित होते.