विद्यार्थ्यांना दररोज शाळेत जाण्यासाठी बसेसची समस्या भेडसावत आहे. त्यांना कोणीही प्रतिसाद देत नव्हते. मात्र कागवडचे आमदार राजू कागे हे वायव्य कर्नाटक परिवहन विभागाच्या अध्यक्षपदाची सूत्रे हाती घेतल्यानंतर विद्यार्थ्यांना भेडसावणाऱ्या समस्यांना उत्तर देत आहेत.

सोमवारी सायंकाळी चिक्कोडीहून हुबळी परिवहन विभागाच्या कार्यालयाकडे कागवाडमार्गे कामानिमित्त जात असताना , चिक्कोडीजवळील बेबलवाड या गावी सायंकाळच्या सुमारास विद्यार्थ्यांना घेऊन जाणाऱ्या सिटी बसमध्ये प्रवेशद्वारावरच विद्यार्थी लोंबकळत जात असल्याचे पाहून आमदारांनी तातडीने बस थांबवली, बस ड्रायव्हर आणि कंडक्टरला फैलावर घेतलं आणि विद्यार्थ्यांना प्रवेशद्वारापासून बसच्या आत नेण्यास सांगितलं. त्यानंतर बस नसल्याबद्दल अध्यक्षांशी बोलताना विद्यार्थ्यांनी रडायला सुरुवात केली. ही बाब गांभीर्याने घेत त्यांनी परिवहन विभागाच्या अधिकाऱ्यांना मोबाईलवरून फोन करून माहिती दिली.

शशिधर मरिदेवरमठ यांनी चिक्कोडी विभागीय अधिकाऱ्यांना माहिती देऊन विद्यार्थ्यांसाठी अधिक बसेसची व्यवस्था करण्याच्या सूचना दिल्या. तत्काळ सर्व अधिकारी घटनास्थळी दाखल झाले. त्यानंतर सर्व विद्यार्थ्यांना अधिक बस सुविधा देण्याचे आश्वासन त्यांनी दिले.

भविष्यात विद्यार्थ्यांना असा त्रास सहन करावा लागला तर मी गप्प बसणार नाही, असा इशारा त्यांनी दिला. विद्यार्थी बसच्या प्रवेशद्वारावर लटकत राहिल्याने काही आपत्ती ओढवल्यास याला जबाबदार कोण असा सवाल केला . अधिकाऱ्यांनी सर्व चालकांना याबाबत माहिती देण्याचे आदेश द्या.

सर्व मुले आनंदी आहेत कारण वायव्य कर्नाटकचे अध्यक्ष राजू कागे हे त्यांच्या कामावर धावत होते परंतु त्यांनी हे दृश्य रस्त्यावर पाहिले आणि त्यांनी त्वरित प्रतिक्रिया दिली आणि अधिकाऱ्यांना माहिती दिली.
आमदार राजू कागे याची विद्यार्थ्यांच्या समस्या जाणून घेत त्वरित बसेस उपलब्ध करून देण्यासाठी पुढाकार घेतला आहे. यामुळे विध्यार्थी वर्गात आनंदाचे वातावरण आहे .