जिल्हाधिकाऱ्यांच्या आदेशावरून कागवाड तालुक्यातील कुसनाळ उगार , मुळवाड या गावातील नदीकाठच्या शेतकऱ्यांच्या पंप संचाना गेल्या 30 दिवसांपासून, जनता जनावरांना पिण्याच्या पाण्यासाठी केवळ दोन तास वीजपुरवठा करण्यात येत आहे.

त्यामुळे सुमारे 10 हजार एकर क्षेत्रामध्ये उगवलेला ऊस व इतर पिके पाण्याविना वाया गेली असून, यामुळे हजारो कोटी रुपयांचे आर्थिक नुकसान झाले आहे, जिल्हाधिकाऱ्यांनी आपला आदेश बदलून 7 तास वीजपुरवठा करावा. अशी मागणी या भागातील शेतकऱ्यांनी केली आहे

शेतकरी नेते उगार पीकेपीएस अध्यक्ष शीतल पाटील, वज्रकुमार मगदूम , राहुल मोहन शहा यांच्यासह शेकडो शेतकऱ्यांनी तहसील कार्यालयासमोर निदर्शने केली. शेतकऱ्यांची कैफियत घेण्यासाठी तहसीलदार न आल्याने उपतहसीलदार अण्णा साहेबकोरी यांच्याकडे कैफियत मांडली.

शीतल पाटील या शेतकरी नेत्याने सांगितले की, कृष्णा नदीतील सध्याचे पाणीफक्त पिण्यासाठी वापरले पाहिजे . गेल्या ३० दिवसांपासून , दिवसांपासून त्यांना फक्त 2 तास वीजपुरवठा करण्यात येत आहे . . दोन-तीन किलोमीटर अंतरापर्यंत पाणीपुरवठा केला जात नसल्याने शेतकऱ्यांचे कोट्यवधी रुपयांचे आर्थिक नुकसान झाले आहे. शीतल पाटील म्हणाले की, निवडणुकीपूर्वी सर्व अधिकारी व लोकप्रतिनिधींनी पूर्वीप्रमाणेच सात तास वीजपुरवठा करणार असल्याचे आश्वासन दिल्याने येथील शेतकरी शांत झाला होता .

महावीर बँकेचे अध्यक्ष शेतकरी नेते कुमार मगदूम यांनी सांगितले की, नदीतील सध्याचे पाणी लोकांना पिणे अशक्य आहे . पाणी द्या आणि शेतकऱ्यांच्या समस्या सोडवा. हा आदेश रविवार दि. १२ मे रोजी संध्याकाळपर्यंत न आल्यास सोमवारी सकाळी नऊ वाजल्यापासून कागवाड-जमखंडी मार्गावरील उगार बीके गावाजवळ हजारो शेतकऱ्यांनी रास्ता रोको करण्याचा निर्णय घेतल्याचे शेतकरी नेते वैजकुमार मगदूम व शीतल पाटील यांनी अधिकाऱ्यांच्या निदर्शनास आणून दिले.

उगार, कुसनाळ, मूळवाड या गावांमध्ये दुष्काळ निवारणाची बैठक झाली नाही, काही शेतकऱ्यांच्या खात्यात दुष्काळ निवारणाचे पैसे जमा झाले आहेत, अनेक शेतकऱ्यांना दुष्काळी मदत मिळालेली नाही, या गावांनी दुष्काळ निवारणासाठी बैठक घेण्याची विनंती केली आहे.

निवेदन स्वीकारलेले नायब तहसीलदार अण्णासाहेब कोरे यांनी जिल्हाधिकारी आपल्या मागणीची तातडीने दखल घेतील, असे आश्वासन दिले.

कागवाड पीएसआय एम.बी.बिरादार यांची भेट घेऊन शेतकऱ्यांनी निवेदन दिले, ते स्वीकारून उच्च अधिकाऱ्यांशी चर्चा करून रस्ता रोको करण्यापूर्वी निर्णय घ्यावा, असा सल्ला त्यांनी दिला.

या आंदोलनात शेतकरी नेते राहुल शहा, प्रमोद, होसूर , प्रमोदा अलप्पनवर, अभिषेक चौगुले, अमूल कामते, राजू चटीमट्टी, आदेश होसवडे प्रमोद चौघुले , जयपाल एरंडोळे यांच्यासह अनेक कार्यकर्ते सहभागी झाले होते.