अनिरुद्ध ॲकॅडमी ऑफ डिझास्टर मॅनेजमेंट आणि हिंदरत्न प्रकाशबाबू पाटील रक्तपेढी यांच्या संयुक्त विद्यमाने चिक्कोडी तालुक्यातील मानेवाडी गावात रक्तदान शिबिर घेण्यात आले. या शिबिरात शेकडो लोकांनी रक्तदान केले.

अनिरुद्ध अकॅडमी ऑफ डिझास्टर मॅनेजमेंट, अनिरुद्ध माणदेश पथक, अनिरुद्ध समर्थक पथक, दिलासा वैद्यकीय व पुनर्वसन केंद्र हिंदरत्न प्रकाशबाबू पाटील रक्तपेढी सांगली यांच्या संयुक्त विद्यमाने मानेवाडी गावात रक्तदान शिबिर संपन्न झाले. या शिबिरात 100 हून अधिक लोकांनी रक्तदान केले.

अनिरुद्ध ॲकॅडमी ऑफ डिझास्टर मॅनेजमेंटच्या सांगली जिल्हा कोअर कमिटीचे सदस्य अमितसिंह कांबळे म्हणाले की, आमच्या संस्थेने आज महाराष्ट्र, कर्नाटक राज्यात 150 हून अधिक ठिकाणी रक्तदान मोहिमेचे आयोजन केले आहे. त्यानुसार कर्नाटकातील चिक्कोडी तालुक्यातील निप्पाणी, बेळगाव आणि मानेवाडी गावात आम्ही रक्तदान शिबिरे घेतली. त्याचप्रमाणे दरवर्षी आम्ही रक्तदान शिबिरे आयोजित करतो, शेकडो जीव वाचवतो. अशी शिबिरे आम्ही सातत्याने घेत असल्याचे त्यांनी सांगितले. आणि अनिरुद्ध ॲकॅडमी ऑफ डिझास्टर मॅनेजमेंटच्या शाखा मोलवाड, इंगळी मानेवाडी, नवीन इंगळी, शिरगुप्पी मांजरीवाडी, अंकली, नसलापूर, जलालपूर आणि जुगुळ गावात चालवल्या जात आहेत, असे ते म्हणाले.

आनंदसिंह माने, अजयसिंह माने, राहुलसिंह कदम, संदीपसिंह माने, संकसिंह माने, निखिलसिंह माने, अस्मितावीर माने, वर्षावीर माने, सारिकावीर माने, दरप्पा चौगले, भाग्यश्री चौगले, ज्योती चौगले, सोनवणे जव्हाळे, जव्हारकर आदी उपस्थित होते.