चिक्कोडीच्या आंबेडकर जनजागृती सेवा संघाच्या वतीने आमदार गणेश हुक्केरी यांच्या नेतृत्वाखाली चिक्कोडीच्या बसव सर्कल ते बेळगाव मार्गावर डॉ.बी.आर.आंबेडकर यांच्या नावाच्या फलकाचे उद्घाटन करण्यात आले.

यावेळी आमदार गणेश हुक्केरी यांनी बसवसर्कल ते बेळगाव या रस्त्यावर माध्यमांशी संवाद साधला. या रस्त्याचे बी.आर.आंबेडकर असे नामकरण करण्यात आले ही अभिमानाची बाब आहे.चिक्कोडी येथील डॉ. बी.आर.आंबेडकर यांच्या स्मारकाच्या उभारणीसाठी 1 कोटी रुपये मंजूर करण्यात आले असून, या पार्श्वभूमीवर या स्मारकाचे काम लवकरच पूर्ण करण्यात येईल, अशी ग्वाही त्यांनी दिली.

माजी नगराध्यक्ष, विद्यमान सदस्य जगदीश कवटगीमठ यांनी सांगितले कि , आज डॉ. बी.आर.आंबेडकरांनी निर्माण केलेली राज्यघटना ज्या दिवशी अस्तित्वात आली त्या दिवशी विश्वरत्न डॉ. बी.आर.आंबेडकर यांचे नाव देण्यात आले आहे हे वाखाणण्याजोगे आहे.आंबेडकरांनी युक्तिवाद केलेले कोर्टसुद्धा त्याच रस्त्यावर आहे.गुलबर्गा येथे बुद्ध विहार कसा बांधला आहे?असा बुद्ध विहार चिक्कोडीत बांधला गेला पाहिजे.सर्व स्तरातील आणि धर्मातील लोकांसाठी भेट देण्यासारखे ठिकाण हा बुद्ध विहार असावा.

यावेळी उपविभागीय अधिकारी सुभाष संपगावी, माजी नगराध्यक्ष प्रवीण कांबळे, नरेंद्र नेर्लिकर, कुलकर्णी, चिक्कोडी जिल्हा भाजप अध्यक्ष सतीश आप्पाजीगोळ , डॉ. बी.आर.आंबेडकर जनजागृती सेवा संघाचे अध्यक्ष रावसाहेब फकिरे, उपाध्यक्ष आप्पासाहेब बढे, सचिव सुदर्शन तम्मन्नरा, महादेव मुन्नोलीकर, नंदकुमार दरबारे , निरंजन कांबळे, सुरेश बाकुडे, सुबराव एंटत्तीनवर, विद्याधर चितळे आदींसह कार्यकर्ते उपस्थित होते.