हुक्केरी बार असोसिएशनच्या द्विवार्षिक निवडणुकीत अनीस वंटमुरी आणि के बी कुरबेट यांच्यात आठवडाभरापासून पॅनेलमध्ये चुरशीची लढत रंगली होती.त्यात दोघांचीही मते सामान असल्याने ज्येष्ठ विधिज्ञ व माजी अध्यक्ष राजीव चौगला यांनी दोघांचे मन वळवले. पॅनेल सदस्यांनी दोन वर्षांच्या कालावधीत त्यापैकी एकासाठी 14 महिने आणि दुसऱ्यासाठी 10 महिन्यांचा कालावधी निश्चित केला.

पहिल्या टर्मसाठी निवड झालेले अनीस वंटमुरी म्हणाले की, ज्या वकिलांनी मला मतदान करून सेवा करण्याची संधी दिली त्या सर्वांची मी ऋणी आहे.मला दिलेल्या 14 महिन्यांत हुक्केरी बार असोसिएशनच्या विकासासाठी मी प्रयत्नशील राहीन, आणि कनिष्ठ वकिलांच्या प्रगतीसाठी राज्य आणि केंद्र सरकारच्या सुविधा उपलब्ध करून देऊन राज्यात आदर्श संघटना बनवण्यासाठी मी कठोर परिश्रम घेईन

आजच्या निवडणुकीत वकिलांनी समान संख्याबळाचा निकाल देत दोघांनाही संधी दिल्याचे कडप्पा कुरबेट यांनी सांगितले.आमच्या काळात असोसिएशन व तालुक्याच्या पायाभूत सुविधांच्या उन्नतीसाठी उच्च न्यायालयात याचिका दाखल करणार आहोत. , आणि आम्ही एकत्रितपणे विकासासाठी सहकार्य करू.
के बी कुरबेट पॅनलमधून सचिवपदी एस जी नदाफ ,महिला गटासाठी श्रीमती अनिता कुलकर्णी विजयी झाल्या . , अनीस वंटमुरी पॅनलमधून बी एम जिनराळे उपाध्यक्षपदी, व्ही एल गस्ती सहसचिवपदी तर खजिनदार पदी ए.ए. बागेवाडी यांची निवड झाली.

सचिवपदाचे विजेते एस.जी.नदाफ यांनी भावूक होऊन सांगितले की, गेल्या 10 वर्षांच्या अखंड संघर्षामुळे आज मला सत्ता मिळाली असून मला झालेला त्रास पुढील सदस्यांना होणार नाही याची काळजी घेईन.
निवडणूक अधिकारी ए.एस.हुल्लोली आणि प्रकाश पाटील यांनी अधिकृतपणे निवडून आलेल्या प्रतिनिधींच्या नावांची घोषणा केली आणि हुक्केरी वकिलांनी निवडणूक शांततेत पार पाडल्याबद्दल त्यांचे अभिनंदन केले.

निवडणुकीचा गोंधळ, निकाल, तडजोडीच्या वाटाघाटी संपायला मध्यरात्री बारा वाजले.