हुक्केरी येथील श्री गुरुशांतेश्वर वधू-वर केंद्राच्या वतीने 3 डिसेंबर रोजी बैलहोंगल येथील श्री शिवबसव कल्याण मंटप येथे 16 वे वीरशैव लिंगायत समाजाचे सर्व आंतरीक पंथाचे वधुवर महासंमेलन होणार आहे, असे केंद्राचे अध्यक्ष शिवानंद झिरली यांनी सांगितले.

हुक्केरी येथील त्यांच्या कार्यालयात प्रसारमाध्यमांशी संवाद साधला. आपली संस्था गेल्या धावर्षांपासून चंद्रशेखर शिवाचार्य महास्वामी यांच्या मार्गदर्शनाखाली अनेक सामाजिक उपक्रम राबवत आहे. येत्या 3 डिसेंबर रोजी बैलहोंगल येथील श्री शिवबसव कल्याण मंटप येथे 16 वे वीरशैव लिंगायत समाजाचे सर्व आंतरीक पंथाचे वधुवर महासंमेलन होणार आहे. मुरूसाविर मठाचे श्री निळकंठप्रभू स्वामीजी, आराद्री मठाचे महांतेश शास्त्री यांच्या सानिध्यात हे संमेलन होणार आहे. वीरशैव लिंगायत समाजाच्या सर्व आंतरिक पंथांच्या पालक, वधू-वरांनी संमेलनात सहभागी व्हावे, अशी विनंती त्यांनी केली.

कन्नड जानपद प्रवीण संघाचे तालुकाध्यक्ष सुभाष नायक यांनी सांगितले की, गुरुशांतेश्वर वधू-वर केंद्र बेळगाव जिल्ह्यातील प्रत्येक तालुक्यात अशा संमेलनाचे आयोजन करून विवाह कार्यात सर्वांना मदत करत आहे.

शिक्षक केबी बडिगेर म्हणाले की, अलीकडच्या काळात पालकांना वधू-वर शोधणे अवघड झाले आहे, त्यामुळे हुक्केरी येथील शिवानंद झिरली हे असे संमेलन आयोजित करून सामाजिक कार्य करत आहेत, हे कार्य राज्यभर पसरू द्या.  यावेळी श्री गुरुशांतेश्वर माहिती केंद्राचे सदस्य उपस्थित होते.