गुरूंचे मार्गदर्शन लाभले तर आपण आपले ध्येय गाठू शकतो असे आमदार निखिल कत्ती म्हणाले .

ते आज हुक्केरी शहरात शिक्षक दिनाच्या कार्यक्रमात बोलत होते.
डॉ.सर्वपल्ली राधाकृष्णन यांच्या 135 व्या जयंतीनिमित्त चिक्कोडीचे खासदार अण्णासाहेब जोल्ले यांच्या हस्ते हुक्केरी तालुकास्तरीय शिक्षक दिन व क्रीडा व प्रतिभा कारंजी कार्यक्रमाचे उद्घाटन हिरेमठ येथील चंद्रशेखर महास्वामी यांच्या दिव्य उपस्थितीत दिपप्रज्वलन करून करण्यात आले.

क्षेत्र शिक्षणाधिकारी प्रभावती पाटील यांनी मान्यवरांचे स्वागत करून प्रास्ताविक केले.

व्यासपीठावर तहसीलदार मंजुळा नाईक, ईओ प्रवीण कट्टी, क्षेत्र समन्वयक ए.एस.पद्मण्णवर, अक्षर दसोहाच्या संचालिका सविता हल की, शिक्षण निरीक्षक आर.एम.शेट्टीमणी, एम.बी.नाईक आदी उपस्थित होते.

आमदार निखिल कत्ती म्हणाले की, प्रत्येकाच्या जीवनात गुरूंचे मार्गदर्शन आवश्यक आहे, त्याचप्रमाणे मी देखील आमदार म्हणून आमचे आई-वडील आणि काका रमेश कत्ती आणि गुरु आणि जेष्ठांच्या आशीर्वादाने आणि मार्गदर्शनाने लोकांची सेवा करत आहे.

यावेळी विद्यार्थ्यांनी इस्रोच्या शास्त्रज्ञांचे अभिनंदन करताना चांद्रयान 3 उपग्रह प्रक्षेपणाचे प्रात्यक्षिक सादर केले.
नंतर उल्लेखनीय कामगिरी केलेल्या शिक्षकांचा व नुकताच निवृत्त झालेल्या शिक्षकांचा सत्कार करण्यात आला.

शिक्षक दिन साजरा करून हुक्केरी यांनी जिल्ह्यासाठी आदर्श निर्माण केला असून, आज इस्रोच्या शास्त्रज्ञांनी प्रक्षेपित केलेल्या चांद्रयान उपग्रहाचे आपण साक्षीदार असल्याचे खासदार जोल्ले म्हणाले.यासाठी योगदान देणाऱ्या शिक्षक व विद्यार्थ्यांचे अभिनंदन केले .
शेवटी श्रींनी आशीर्वाद दिले .

यावेळी हुक्केरी तालुक्यातील विविध विभागाचे अधिकारी, प्राथमिक शाळा, माध्यमिक शाळा, सर्व पदाधिकारी, मुख्याध्यापक, शिक्षण समन्वयक, बीआरपी, सीआरपी, आयईआरटी व सर्व शिक्षक सेवकांच्या संघटनांचे पदाधिकारी उपस्थित होते.