बेळगाव जिल्ह्यातील जैन मुनी कामकुमारनंदी महाराज यांच्या हत्येचा निषेध करण्यासाठी धारवाडमध्ये जैन समाजाच्या वतीने जोरदार निदर्शने करण्यात आली. शहरातील कडप्पा मैदानापासून जिल्हाधिकारी कार्यालयापर्यंत भव्य निषेध मोर्चा काढण्यात आला.

जिल्हाधिकारी कार्यालयासमोर काही काळ ठिय्या आंदोलन करण्यात आले. या आंदोलनाला आमदार विनय कुलकर्णी यांच्या पत्नी शिवलीला कुलकर्णी यांनीही पाठिंबा दिला.

जैनमुनींच्या हत्येचा निष्पक्ष तपास व्हायला हवा. या हत्येमागील सर्व अदृश्य हातांना कठोर शिक्षा झाली पाहिजे. आणि हत्येमागील सत्य समोर यावे. अशा प्रकारे मृतदेह कापून टाकला जात असेल तर जैन मुनींना संरक्षण कसे मिळणार , असा प्रश्न निर्माण होतो. सरकारने या प्रकरणाची तातडीने निष्पक्ष चौकशी करावी, अशी मागणी यावेळी करण्यात आली.