काँग्रेस पक्षाची सत्ता आल्यानंतर नव्या मंत्रिमंडळात एम. बी. पाटील यांना मंत्रीपद मिळाल्याने बसवभूमीमध्ये काँग्रेस कार्यकर्त्यांनी विजयाचा जल्लोष केला.

शनिवारी विजापूर शहरातील बसस्थानक व गांधीचौक येथे काँग्रेस कार्यकर्त्यांनी फटाके फोडून विजयोत्सव साजरा केला. आज बेंगळूर येथे मुख्यमंत्री सिद्धरामय्या आणि शिवकुमारांसह एम.बी.पाटील यांनी मंत्रिपदाची शपथ घेतली. त्या पार्श्वभूमीवर कार्यकर्त्यांनी सिद्धरामय्या व एम.बी.पाटील यांच्यावतीने घोषणाबाजी करून आनंद व्यक्त केला. यावेळी कार्यकर्त्यांनी मिठाई वाटून आनंद व्यक्त केला. यावेळी फयाज कलादगी, अक्रम माशाळकर यांच्यासह अनेकजण उपस्थित होते.