निवडणुकीला अवघे दोन दिवस उरले असून, सर्व पात्र मतदारांनी मतदान केंद्रावर जाऊन आपल्या कुटुंबातील पात्र मतदारांसह मतदानाचा हक्क बजावावा, असे आवाहन जिल्हा निवडणूक अधिकारी डॉ.विजयमहंतेश दानम्मनवर यांनी केले आहे.

जिल्हा प्रशासन, जिल्हा पंचायत, महानगरपालिका, महिला व बालविकास विभाग, आरोग्य विभाग आणि जिल्हा सफाई समिती यांच्या संयुक्त विद्यमाने शहरातील श्री सिद्धेश्वर मंदिर परिसरात मानवी साखळी करून , व अभिनव पद्धतीने मतदारांमध्ये जनजागृती करण्यात आली . 1
जिल्हा पंचायतचे मुख्य कार्यकारी अधिकारी राहुल शिंदे म्हणाले की, लोकशाही उत्सवासाठी अवघे तीन दिवस शिल्लक असून मतदानासाठी आवश्यक ती सर्व तयारी आधीच करण्यात आली आहे. तसेच मतदारांना आकर्षित करण्यासाठी मतदान केंद्रांवर सर्व तयारी करण्यात आली आहेत. सर्व पात्र मतदारांनी लोकशाहीच्या उत्सवात सहभागी होऊन आपले अमूल्य मतदान करण्याचे आवाहन त्यांनी केले.

जिल्हा पोलीस अधीक्षक एच,डी, आनंदकुमार म्हणाले की, मतदानाचा दिवस जवळ असल्याने सर्व नागरिकांनी आपल्या कुटुंबीयांसह मतदानासाठी यावे. मुक्त आणि निष्पक्ष निवडणुकांसाठी आवश्यक ती सर्व व्यवस्था करावी आणि कोणताही मतदार मतदानापासून वंचित राहू नये, असे आवाहन त्यांनी केले.

विजापूर शहरातील गांधी सर्कल येथे मतदान जनजागृतीसाठी मानवी साखळी तयार करून , मतदारांना आकर्षित करण्यात आले. मतदानाबाबत जनजागृती करण्यासाठी श्री सिद्धेश्वर मंदिर ते गांधी सर्कल मार्गे हणमंतराय नाट्यगृहापर्यंत सुमारे 02 किलोमीटर लांबीचा ध्वज संचलन करण्यात आला. यावेळी विविध विभागातील अधिकारी-कर्मचाऱ्यांसह 800 हून अधिक लोकांनी सहभाग घेऊन घोडा नृत्य, मोर नृत्य, विविध कला पथक, महिलांची बाईक रॅली, इलेक्ट्रॉनिक व्होटिंग मशीनची माहिती देणारा मूकपट यासह मतदान जनजागृती पत्रकांचे वाटप केले. कार्यक्रमास जिल्ह्यातील आठ विधानसभा मतदारसंघाचे पोलीस निरीक्षक डॉ.बी.नविनकुमार, महानगरपालिकेचे आयुक्त विजयकुमार मेक्कलकी, जिल्हा पंचायतचे मुख्य नियोजन अधिकारी निंगाप्पा गोठे, जिल्हा पंचायत, जिल्हा सफाई समिती सदस्य व विविध अधिकारी उपस्थित होते.

शहरातील श्री सिद्धेश्वर मंदिरापासून या जनजागृती रॅलीला सुरवात झाली . 10 मे रोजी ‘मतदान दिन’ या 120 मीटर ध्वज प्रदर्शनाची मोहीम शहरातील कंदगल हनुमंतराय नाट्यगृहाच्या प्रांगणात आयोजित करण्यात आली होती. यावेळी प्रवक्ते अमरेश दोडमणी यांनी सर्व अधिकारी व कर्मचाऱ्यांना शपथ दिली.

यावेळी जिल्हा पंचायत नियोजन उपसंचालक ए.बी.अल्लापूर, कन्नड व सांस्कृतिक विभागाचे सहाय्यक संचालक बी. नागराज, अपंग व ज्येष्ठ नागरिक सक्षमीकरण विभागाचे अधिकारी राजशेखर धाईवडी, महिला व बालविकास विभागाचे उपसंचालक के.के.चव्हाण, स्वीप समितीचे आयकॉन सहाना कुडीगनूर आदी उपस्थित होते. फ्लो