जगाला शांतीचा संदेश देणाऱ्या भगवान गौतम बुद्धांची जयंती बेळगावात उत्साहात साजरी करण्यात आली.

बुद्ध सोसायटी ऑफ इंडियाच्या बेळगाव शाखेच्या वतीने आंबेडकर नगरातील बौद्ध विहारात बुद्ध पौर्णिमा मोठ्या उत्साहात साजरी करण्यात आली. आंबेडकर नगर, सदाशिवनगर येथून बौद्ध विहारापर्यंत शहरातील प्रमुख मार्गांवरून बुद्धाच्या पुतळ्याची भव्य मिरवणूक काढण्यात आली.

त्यानंतर बौद्ध विहारात बुद्ध जयंती कार्यक्रमाचे आयोजन करण्यात आले होते. बौद्धविहारातील गौतम बुद्ध, भारतरत्न डॉ. बी. आर. आंबेडकर यांच्या भव्य प्रतिमेला मान्यवरांनी पुष्पहार अर्पण करून अभिवादन केले. त्यानंतर बुद्धाची प्रार्थना करून कार्यक्रमाला सुरुवात करण्यात आली.

बुद्ध सोसायटी बेळगावचे जिल्हाध्यक्ष यमनाप्पा गडिनायक यांनी सांगितले की, लोकांपर्यंत गौतम बुद्धांचा शांततेचा संदेश पोहोचवण्यासाठी आणि बुद्धभक्तांना प्रेरित करण्यासाठी ही मिरवणूक काढण्यात आली आहे. लोकांपर्यंत शांतीचा संदेश देण्यासाठी शहरात आज बुद्ध जयंतीचे आयोजन करण्यात आले आहे. बुद्धवंदना, पंचशिल पूजा आणि प्रवचन आदी कार्यक्रम पार पडले.

यावेळी भारतीय बैद्ध महासभेचे पदाधिकारी व सदस्य उपस्थित होते