खानापूर तालुक्याच्या सर्वांगीण विकासाबाबत आपण आमदार डॉ.अंजली निंबाळकर यांच्या पाठीशी राहू, असे आश्वासन माजी मुख्यमंत्री सिद्धरामय्या यांनी दिले.

खानापूर तालुक्यातील बीडी येथे काँग्रेस प्रजाध्वनी यात्रेनिमित्त आयोजित विशाल जाहीर सभेत ते बोलत होते. माजी मुख्यमंत्री सिद्धरामय्या यांनी खानापूर तालुक्याच्या सर्वांगीण विकासासाठी आमदार डॉ. अंजली निंबाळकर यांनी सांगितलेल्या सर्व गोष्टी देण्याचे आश्वासन दिले. विकासापासून वंचित असलेल्या खानापूर तालुक्याच्या सर्वांगीण प्रगतीसाठी आ . अंजली निंबाळकर यांनी मूलभूत विकासाचे सर्वतोपरी प्रयत्न केले. . विरोधी पक्षाच्या आमदार असतानाही त्यांनी पायाभूत सुविधा निर्माण करण्यात कसूर केली नाही. आमदार डॉ. निंबाळकर यांच्या विजयाने राज्यात काँग्रेस सरकारला पूर्ण बहुमत मिळणार असून माजी मुख्यमंत्री व विरोधी पक्षनेते सिद्धरामय्या यांनी खानापूरच्या सर्वांगीण १०० कोटी रुपये देण्याचे आश्वासन दिले.

ते म्हणाले की, काँग्रेसने गरीब कुटुंबांना शिधापत्रिकेतील तांदळाची रक्कम 5 किलोवरून 7 किलो केली आहे. मात्र भाजपची सत्ता येताच ते पुन्हा 5 किलोपर्यंत कमी करण्यात आले. यावर काँग्रेसने जाब विचारला असता भाजप सरकारकडे पैसे नसल्याचे सांगण्यात आले. काँग्रेस सत्तेत आल्यानंतर काही दिवसांतच बीपीएल कार्डधारकांना प्रत्येकी 10 किलो मोफत तांदूळ दिला जाईल. गृहज्योती योजनेतून 200 युनिट मोफत वीज देण्यात येणार असून मजुरांचे जीवनमान उंचावणार असल्याचे त्यांनी सांगितले.

नंतर आमदार डॉ. अंजली निंबाळकर म्हणाल्या की, लोकांच्या समस्या मूकबधिर आणि आंधळ्या भाजप सरकारला कळवण्यासाठी, आवाज उठवण्याची ही प्रजाध्वनी यात्रा आहे. भाजपने समाजातील सर्व घटकांना अन्यायकारक वागणूक दिली आहे. पूरस्थिती आणि कोरोनाच्या संकटामुळे राज्य सरकारने तालुक्याला वाऱ्यावर फेकले आहे. पुराच्या वेळी मुख्यमंत्र्यांना खानापूरची आठवण झाली नाही. प्रचारासाठी वेळ काढणाऱ्या राज्य आणि केंद्राच्या मंत्र्यांना संकटकाळी खानापूरची आठवण का येत नाही? असा प्रश्न निर्माण झाला. तालुक्यातील अनेक प्रलंबित प्रकल्प रखडले आहे. आपण पाच वर्षांत केलेली विकासकामे जनतेसमोर आहेत. काँग्रेसच्या कल्याणकारी योजना बंद करून भांडवलदारांना पैसे देण्यात भाजप धन्यता मानत असल्याचा आरोप त्यांनी केला.

नंतर केपीसीसीचे कार्याध्यक्ष सतीश जारकीहोळी म्हणाले की, आमदार अंजली निंबाळकर यांच्या नेतृत्वाखाली विकासाची दृष्टी आहे, तालुक्याच्या विकासाची गाडी रुळावर आली असून त्याला अधिक गती देण्यासाठी जनतेचे सहकार्य हवे आहे.

यावेळी माजी मंत्री जमीर अहमद खान आदींनीही भाषणे करून आमदार डॉ.अंजली निंबाळकर यांना पाठिंबा देण्याची विनंती केली. यावेळी राज्यस्तरीय ज्येष्ठ नेते, जिल्हा व तालुकास्तरीय नेते मोठ्या संख्येने उपस्थित होते.