आदर्श समाजाची निर्मिती केवळ यशस्वी विद्यार्थीच करू शकतात, असे विद्यार्थी घडवणे हीच शिक्षकांची खरी शक्ती आणि संपत्ती आहे, असे मत शांतीसागर शिक्षण संस्थेचे संस्थापक सनथ कुमार पाटील यांनी व्यक्त केले.

चिक्कोडी तालुक्यातील मांजरी गावातील शांतीसागर शैक्षणिक संस्थेत वार्षिक क्रीडा स्पर्धेच्या पारितोषिक वितरण व साहित्य कविभूषण पुरस्कार विजेत्या शाळेच्या माजी विद्यार्थिनी श्वेता कामत व सुजाता चौघुले यांच्या सत्कार समारंभप्रसंगी ते बोलत होते. प्रारंभी मान्यवरांनी संत श्रेष्ठ शांतीसागर महाराज यांच्या प्रतिमेचे पूजन केले. यावेळी क्रीडा स्पर्धेत यश संपादन केलेल्या विद्यार्थ्यांना प्रमाणपत्र व शिल्ड देऊन गौरविण्यात आले.

याशिवाय कन्नड साहित्य कविभूषण पुरस्कारप्राप्त सुजाता चौघुले आणि आयर्लंडमध्ये वैद्यकीय सेवा करणाऱ्या माजी विद्यार्थिनी डॉ. श्वेता कामत हिचा शाळेतर्फे सत्कार करण्यात आला. पुरस्कार प्राप्त श्वेता कामत म्हणाल्या की, विद्यार्थ्यांना त्यांच्या आवडत्या विषयात शिक्षण दिल्यास ते मोठ्या गोष्टी साध्य करू शकतात. आणि त्यांनी शिक्षण घेतलेल्या शांतीसागर शैक्षणिक संस्थेला ५० हजार रुपयांची आर्थिक देणगी दिली.

यावेळी शाळेतील शिक्षक, विद्यार्थी व पालक उपस्थित होते.
अश्विनी काचे यांनी सांगितले. सुनील वडगोळ यांनी स्वागत केले. सुबराव होनाक यांनी आभार मानले.