‘मृत्यू अटळ आहे’ म्हणतात याची प्रचिती देणारी घटना बेळगाव जिल्ह्यातील कागवाड तालुक्यातील मंगावती गावात घडली आहे. आत्महत्येचा निर्धार करून टॉवरवर चढलेल्या आणि नंतर विचार बदलल्याने खाली उतरू पाहणाऱ्या एका युवकाचा तोल जाऊन पडून अखेर मृत्यू झाला आहे.

होय, संजय काळगौडा पाटील, वय 35 वर्षे असे या दुर्दैवी युवकाचे नाव असून, तो बेळगाव जिल्ह्यातील कागवाड तालुक्यातील मंगावती गावातील रहिवासी आहे. मयत संजयने खासगी बँका आणि बँकांचे कर्ज घेतले होते. ते फेडता न आल्याने त्याला मानसिक ताण झाला होता. कर्जफेडीची ताण सहन न झाल्याने गावातील टॉवरवर चढून त्याने आत्महत्येचा निर्धार केला होता. पण काही वेळाने त्याचे मन परिवर्तन झाले.

त्यामुळे आत्महत्या करायचे टाळून तो टॉवरवरून खाली उतरण्याचा प्रयत्न करत होता. त्यावेळी अचानक तोल जाऊन तो टॉवरच्या मधोमध पडून गंभीर जखमी झाला. यावेळी स्थानिक लोक त्यांना रुग्णालयात घेऊन जात होते. मात्र उंचावरून पडून गंभीर जखमी झाल्याने संजयने वाटेतच अखेरचा श्वास घेतला.
संजय टॉवरवरून पडल्याचे दृश्य त्याच्या मोबाईलमध्ये कैद झाले आहे. ही घटना कागवाड पोलिस ठाण्याच्या हद्दीत घडली.