बेळगाव जिल्ह्यातील रायबाग तालुक्‍यातील 11 गावे सध्या वीज पुरवठ्याअभावी गेल्या तीन दिवसांपासून अंधारात आहेत. ग्रामस्थांना विजेअभावी साधा मोबाईल चार्ज करणेही कठीण होत आहे.

होय, हेस्कॉमकडून वेळेवर पुरेसा वीजपुरवठा होत नसल्याने रायबाग तालुक्‍यातील 11 गावातील ग्रामस्थांना गेल्या तीन दिवसांपासून अंधारात जगावे लागत आहे. त्यामुळे या ग्रामस्थांनी हेस्कॉम अधिकार्‍यांच्या विरोधात आक्रमक पवित्र घेतला आहे.रायबाग तालुक्यातील यलपरट्टी, खेमलापूर, सिद्धापूर, अलकनूर, अलगवाडी, निलजी, परमानंदवाडी, यबरट्टी, चिक्कुडा, कुरबगोडे, ब्याकुड या गावांमध्ये सध्या वीज पुरवठा बंद आहे. त्यामुळे शेतकऱ्यांना पिण्याचे पाणी घेण्यात, कृषी उपक्रम राबविण्यात आणि मुलांना अभ्यासात अडचणींचा सामना करावा लागत आहे.याबाबत रायबाग हेस्कॉम विभागाच्या अधिकाऱ्यांना विचारणा केली तर उडवाउडवीची उत्तरे देतात, असा आरोप शेतकऱ्यांनी केला आहे. योग्य पद्धतीने वीजपुरवठा न केल्यास रायबाग शहरात तीव्र आंदोलन छेडण्यात येईल, असा इशारा शेतकऱ्यांनी दिला आहे.