यावर्षी समाधानकारक पाऊस झाल्याने निपाणीतील जवाहर तलाव पूर्ण क्षमतेने भरला आहे. या पार्श्वभूमीवर खा. जोल्ले दाम्पत्याने तेथे गंगापूजा करून ओटी भरली.

होय, निपाणी शहरातील जवाहर जलाशयातूनच निपाणी शहर व परिसराला पाणीपुरवठा केला जातो. यंदा चांगला पाऊस झाल्याने हा जलाशय भरला आहे. त्यामुळे धर्मादाय, हज आणि वक्फ खात्याच्या मंत्री आणि चिक्कोडीचे खा. अण्णासाहेब जोल्ले यांनी रविवारी जवाहर तलावात ओटी भरून विधिवत गंगापूजन केले.

यावेळी बोलताना मंत्री जोल्ले म्हणाल्या, यंदा समाधानकारक पाऊस झाल्याने जवाहर जलाशय भरला आहे ही समाधानाची बाब आहे. त्यामुळे निपाणी व परिसरातील लोकांची सोय होणार आहे. हा जलाशय सतत भरलेलाच राहू देत आणि लोकांची सोय होऊ दे अशी अपेक्षा व्यक्त करून लोकांना पाणी जपून वापरण्याचे आवाहन त्यांनी केले. 

जवाहर तलाव परिसराचा विकास करून येथे एक सुंदर उद्यान निराळीं करण्यासाठी २०२१च्या १५ व्या वित्त योजनेतून ३० लाख रु. अनुदान मंजूर करण्यात आले आहे. त्याशिवाय सौंदर्यीकरणासाठी १४ लाख रु. निधी मंजूर केला आहे. चांगला विकास करून हा भाग एक चांगले पर्यटन स्थळामध्ये परिवर्तित करण्यात येईल असे मंत्री जोल्ले यांनी यावेळी सांगितले.

यावेळी हालसिद्धनाथ साखर कारखान्याचे अध्यक्ष चंद्रकांत कोठीवाले, निपाणी नगरपालिकेचे अध्यक्ष जयवंत भाटले, उपाध्यक्ष नीता बागडे, भाजप शहराध्यक्ष प्रणव मानवी, जगदीश हुलीगेज्जी आदी उपस्थित होते.