बेळगाव तालुक्यातील मोदगा ग्रामपंचायतीमध्ये ८० वा स्वातंत्र्यदिन सोहळा अत्यंत श्रद्धा आणि उत्साहाच्या वातावरणात साजरा करण्यात आला. गावातील मान्यवर, अधिकारी आणि सैनिकांच्या उपस्थितीत राष्ट्रध्वज फडकवून देशभक्तीचा संदेश देण्यात आला.

मोदगा ग्रामपंचायत आवारात पार पडलेल्या या सोहळ्यात मोदगा पीकेपीएस (PKPS) सोसायटीचे अध्यक्ष आणि गावातील ज्येष्ठ नागरिक जी. जी. कल्लूर सावकार यांच्या हस्ते ध्वजारोहण करण्यात आले.

या कार्यक्रमास ग्रामपंचायत विकास अधिकारी (पीडीओ) प्रकाश कुडची, सांबरा येथील भारतीय हवाई दलाचे अधिकारी, ग्रामपंचायतीचे माजी अध्यक्ष, उपाध्यक्ष, विद्यमान सदस्य, शालेय शिक्षक-शिक्षिका आणि गावातील नागरिक मोठ्या संख्येने उपस्थित होते. सर्वांनी राष्ट्रध्वजास वंदन करून सोहळा उत्साहात पार पाडला.