अथणी तालुक्यातील सत्ती गावात गेल्या काही दिवसांपासून तरसाचा वावर वाढल्याने स्थानिक रहिवाशांमध्ये प्रचंड भीती पसरली आहे.

अथणी तालुक्यातील सत्ती गावातील वासप्पा यांच्या शेतात एका अज्ञात तरसाने बकरीचा फडशा पाडल्याचा प्रकार उघडकीस आला आहे. हे दृश्य सीसीटीव्ही कॅमेऱ्यात कैद झाले असून ते पाहिल्यानंतर स्थानिकांमध्ये भीतीचे वातावरण निर्माण झाले आहे.

सत्ती गावातील बसवराज शंकर गुळगावी यांच्या शेतातील घरात पाळलेल्या जनावराची शिकार या तरसाने केली आहे. वनविभागाच्या अधिकाऱ्यांनी या घटनेची गंभीर दखल घेऊन संबंधित प्राण्याला तातडीने जेरबंद करावे आणि त्याला मानवी वस्तीपासून दूर सुरक्षित ठिकाणी सोडावे, अशी विनंती ग्रामस्थांनी केली आहे.