दूषित अन्न सेवन केल्यामुळे चिकोडी तालुक्यातील हिरेकोडी येथील अल्पसंख्याक कल्याण विभागाच्या मोरारजी देसाई निवासी शाळेतील विद्यार्थ्यांच्या आरोग्यात सुधारणा झाली आहे.

सोमवारी रात्री एकूण ३९ विद्यार्थी अस्वस्थ झाले होते. यापैकी सरकारी रुग्णालयात दाखल असलेल्या विद्यार्थ्यांवर उपचार सुरू आहेत. दरम्यान, इतर ६ विद्यार्थी पूर्णपणे बरे होऊन घरी गेले आहेत. वसतिगृहातच उपचार घेत असलेल्या १५ विद्यार्थ्यांच्या आरोग्यातही सुधारणा झाली असून, त्यांच्यावर उपचार सुरू आहेत. सर्व विद्यार्थी सुरक्षित असल्याने पालकांनी घाबरून जाऊ नये, असे आवाहन करण्यात आले आहे. तालुका आरोग्य अधिकारी डॉ. राजेंद्र खणदाळी यांनी माहिती दिली की, अस्वस्थ झालेल्या विद्यार्थ्यांनी सेवन केलेल्या अन्न आणि पाण्याचे नमुने तपासणीसाठी पाठवण्यात आले असून, अहवाल येणे बाकी आहे.