माजी मंत्री तथा बेळगाव ग्रामीण मतदारसंघाच्या आमदार लक्ष्मी हेब्बाळकर यांनी बुधवारी बेळगाव येथील आपल्या गृह कार्यालयात जनता दर्शन आयोजित करून नागरिकांच्या विविध समस्या ऐकून घेतल्या आणि त्यांच्या निवेदनांना प्रतिसाद दिला.

बेळगाव ग्रामीण मतदारसंघासह जिल्ह्याच्या विविध भागांतून मोठ्या संख्येने नागरिक आपल्या समस्या घेऊन गृह कार्यालयात दाखल झाले होते. लक्ष्मी हेब्बाळकर यांनी प्रत्येक नागरिकाची तक्रार संयमाने ऐकून घेत समस्या कोणत्या स्वरूपाची आहे तसेच संबंधित विभागाची माहिती घेतली.

नागरिकांनी सादर केलेल्या निवेदनांची पाहणी करून शक्य तितक्या समस्यांवर जागेवरच तोडगा काढण्याच्या सूचना त्यांनी दिल्या. काही प्रकरणांमध्ये संबंधित अधिकाऱ्यांशी दूरध्वनीवरून संपर्क साधून आवश्यक ती कार्यवाही करण्याचे निर्देश दिले. नागरिकांना कोणत्याही प्रकारचा त्रास होऊ नये आणि त्यांच्या समस्यांना तत्परतेने प्रतिसाद मिळावा, यासाठी अधिकाऱ्यांना सूचना करण्यात आल्या.

आपल्या समस्या मांडण्यासाठी आलेल्या प्रत्येक नागरिकाशी लक्ष्मी हेब्बाळकर यांनी आत्मीयतेने संवाद साधला. जनतेच्या समस्या ऐकून घेणे आणि त्यावर योग्य तोडगा काढण्यासाठी प्रयत्न करणे ही आपली जबाबदारी असल्याचे त्यांनी सांगितले.

गृह कार्यालयात झालेल्या जनता संपर्क कार्यक्रमात विविध गावांतील तसेच बेळगाव शहरातील नागरिकांनी सहभाग घेतला. रस्ते, पिण्याचे पाणी, वीज, निवास, महसूल, शासकीय सुविधा यांसह विविध विषयांशी संबंधित निवेदने नागरिकांनी सादर केली.

सार्वजनिकांकडून आलेल्या प्रत्येक निवेदनाचा गांभीर्याने विचार करून संबंधित विभागांच्या अधिकाऱ्यांशी समन्वय साधत समस्यांचे निराकरण करण्याचे आश्वासन लक्ष्मी हेब्बाळकर यांनी दिले.

लोकप्रतिनिधी म्हणून जनतेच्या संपर्कात सातत्याने राहून त्यांच्या अडचणी व समस्या थेट ऐकून घेणे आणि शक्य तितक्या लवकर त्यांचे निराकरण करण्यास प्राधान्य देणार असल्याचे त्यांनी यावेळी सांगितले.