पंचमसाली पीठाच्या श्रींवर एका महिलेने केलेल्या लैंगिक शोषणाच्या आरोपांची कायद्यानुसार चौकशी झाली पाहिजे आणि सत्य-असत्य काय आहे हे तपासाअंती स्पष्ट झाले पाहिजे, असे मत विजापूर जिल्ह्याचे पालकमंत्री एम. बी. पाटील यांनी व्यक्त केले आहे.

विजापूर शहरामध्ये प्रसारमाध्यमांशी संवाद साधताना एम. बी. पाटील यांनी पंचमसाली श्रींवरील आरोपांनंतर सुरू असलेल्या वादावर भाष्य केले. या प्रकरणी प्रशासन कायद्यानुसार योग्य ती कार्यवाही करेल, असे त्यांनी स्पष्ट केले. या प्रकरणाशी आमचा कोणताही थेट संबंध नाही, त्यामुळे त्यावर वैयक्तिक भाष्य करणे उचित ठरणार नाही; मात्र कायद्याच्या चौकटीत राहून या प्रकरणातील तथ्य समोर येणे गरजेचे असल्याचे एम. बी. पाटील यांनी म्हटले.