बेळगाव उत्तरचे आमदार आसिफ सेठ यांच्या उपस्थितीत समर्थ नगरमध्ये जनता दरबार पार पडला. यावेळी युवा नेते अमान सेठ यांच्या प्रमुख उपस्थितीत विकासकामांना सुरुवात करण्यात आली.

समर्थ नगरमधील रहिवाशांच्या समस्या जाणून घेण्यासाठी आमदार आसिफ सेठ यांनी आयोजित केलेल्या ‘जनता दरबार’ला नागरिकांनी उत्स्फूर्त प्रतिसाद दिला. आमदारांनी स्थानिक लोकांशी थेट संवाद साधून त्यांच्या तक्रारींचे निवारण करण्यावर भर दिला. यावेळी त्यांच्यासोबत युवा नेते अमान सेठ उपस्थित होते. अमान सेठ यांनी नागरिकांकडून विविध समस्यांची माहिती आणि सूचना घेतल्या. लोकांच्या दैनंदिन समस्यांचे त्वरित निराकरण करण्याचे आश्वासन आसिफ सेठ आणि अमान सेठ यांनी दिले.

सार्वजनिक मागणीनुसार सुमारे ३.५ कोटी रुपये खर्चाच्या पायाभूत सुविधा प्रकल्पांचा शुभारंभ आमदार आसिफ सेठ आणि अमान सेठ यांच्या हस्ते करण्यात आला. या अंतर्गत नवीन रस्त्यांची निर्मिती, सांडपाणी वाहिनी सुधारणा आणि पिण्याच्या पाणी पुरवठ्याची कामे हाती घेतली जाणार आहेत. विकासकामांमध्ये जनतेचा सहभाग आवश्यक असून कामाचा दर्जा राखण्याला आपले प्राधान्य असेल, असे आसिफ सेठ यांनी म्हटले.

या उपक्रमामुळे समर्थ नगरमधील नागरिकांमध्ये समाधानाचे वातावरण असून स्थानिक नेत्यांनी आमदारांच्या कार्यशैलीचे कौतुक केले आहे.