विजापूर जिल्ह्यातील सिंदगी तालुक्यातील नागावी केडी गावात अवकाळी पावसाने हाहाकार माजवला असून वीज कोसळून एका बैलाचा मृत्यू झाला आहे.

नागावी केडी येथील रहिवासी श्रीशैल भीमराव बिरादार यांचा बैल काल रात्री झालेल्या अवकाळी पावसात वीज कोसळल्याने जागीच दगावला. शेतात बांधलेल्या बैलावर वीज पडल्याने ही दुर्घटना घडली.

या घटनेची माहिती मिळताच पशुसंवर्धन विभागाच्या अधिकाऱ्यांनी घटनास्थळी धाव घेऊन पाहणी केली. सरकारी नियमानुसार नुकसान भरपाई मिळावी, अशी मागणी आता शेतकरी वर्गातून होत आहे.