विजापूर तालुक्यातील कुमटगी गावाजवळ राष्ट्रीय महामार्गावर श्रीशैलहून परतणाऱ्या भाविकांच्या दुचाकीला कारने पाठीमागून जोरदार धडक दिली. या भीषण अपघातात एकाचा जागीच मृत्यू झाला आहे.

विजापूर तालुक्यातील कुमटगी गावातील राष्ट्रीय महामार्गावर हा अपघात झाला. श्रीशैलचे दर्शन घेऊन परतणाऱ्या भाविकांच्या दुचाकीला पाठीमागून येणाऱ्या कारने जोरात धडक दिली. या धडकेत दुचाकीस्वार रस्त्यावर फेकले गेल्याने त्यांचा जागीच मृत्यू झाला.

हनुमंत नाटीकार असे मृताचे नाव असून ते बबलेश्वर तालुक्यातील निडोणी गावातील रहिवासी होते. मिळालेल्या माहितीनुसार, दहा दुचाकींवरून भाविकांचा समूह श्रीशैलला गेला होता. दर्शन घेऊन गावी परतत असताना हा दुर्दैवी अपघात घडला. विजापूर ग्रामीण पोलिसांनी अपघातस्थळी भेट देऊन पाहणी केली असून पुढील कार्यवाही सुरू आहे, अशी माहिती पोलीस प्रशासनाकडून देण्यात आली.