उपमुख्यमंत्री डी.के. शिवकुमार यांनी प्रदेश काँग्रेस अध्यक्ष म्हणून सहा यशस्वी वर्षे पूर्ण केल्याबद्दल बेंगळुरूमध्ये आयोजित कार्यक्रमात महिला आणि बालविकास मंत्री लक्ष्मी हेब्बाळकर आणि विधान परिषद सदस्य चन्नराज हट्टीहोळी यांनी शिवकुमार यांची भेट घेऊन त्यांना शुभेच्छा दिल्या.

लक्ष्मी हेब्बाळकर आणि चन्नराज हट्टीहोळी यांनी डी.के. शिवकुमार यांना पुष्पगुच्छ देऊन त्यांचे अभिनंदन केले. पक्ष संघटनेप्रती असलेली त्यांची निष्ठा, तळागाळातील कार्यकर्त्यांना दिलेली साथ आणि कठीण प्रसंगात त्यांनी दाखवलेले खंबीर नेतृत्व खरोखरच प्रेरणादायी आहे, अशा शब्दांत लक्ष्मी हेब्बाळकर यांनी त्यांच्या कार्याचा गौरव केला.

येणाऱ्या काळात शिवकुमार यांच्या नेतृत्वाखाली पक्ष अधिक प्रगती करेल आणि राज्याच्या विकासासाठी तसेच जनसेवेसाठी त्यांचे कार्य असेच अविरत सुरू राहील, अशी आशा मंत्री लक्ष्मी हेब्बाळकर यांनी व्यक्त केली.

या सोहळ्याला मुख्यमंत्री सिद्धरामय्या यांच्यासह मंत्रिमंडळातील अनेक सहकारी, आमदार आणि ज्येष्ठ नेते उपस्थित होते.