जागतिक महिला दिनानिमित्त बेळगाव जिल्ह्यातील अगसगे गावात मंत्री सतीश जारकीहोळी, खासदार प्रियांका जारकीहोळी आणि राहुल जारकीहोळी यांच्या मार्गदर्शनाखाली विशेष कार्यक्रमाचे आयोजन करण्यात आले होते.

बेळगाव जिल्ह्यातील अगसगे गावात जागतिक महिला दिन अत्यंत उत्साहात पार पडला. सार्वजनिक बांधकाम मंत्री तथा बेळगाव जिल्हा पालकमंत्री सतीश जारकीहोळी, चिक्कोडी लोकसभा मतदारसंघाच्या खासदार प्रियांका जारकीहोळी आणि युवा नेते राहुल जारकीहोळी यांच्या मार्गदर्शनाखाली या कार्यक्रमाचे आयोजन करण्यात आले होते. केपीसीसी सदस्य मलगौडा पाटील यांनी या कार्यक्रमासाठी विशेष पुढाकार घेतला होता.

या समारंभाला ग्रामपंचायत अध्यक्ष अमृत मुद्दण्णावर, ग्रामपंचायतीचे सर्व सदस्य आणि गावातील महिला मोठ्या संख्येने उपस्थित होत्या. या कार्यक्रमाचे औचित्य साधून ग्रामपंचायतीच्या वतीने महिलांना साड्यांचे वाटप करून त्यांचा सन्मान करण्यात आला.

याप्रसंगी गावातील ज्येष्ठ नागरिक, मान्यवर आणि शेकडो ग्रामस्थ उपस्थित होते. सर्व ग्रामस्थांनी एकत्र येत महिला दिनाचा आनंद साजरा केला.