बेळगाव येथील हेस्कॉम कार्यालयात विद्युत क्षेत्रातील खरे नायक असलेल्या पॉवरमॅनच्या सेवेप्रती कृतज्ञता व्यक्त करण्यासाठी ‘पॉवरमॅन डे’ साजरा करण्यात आला.

बेळगावच्या हेस्कॉम शहर उपविभाग १ आणि २ च्या कार्यालयांमध्ये ७ मार्च २०२६ रोजी ‘पॉवरमॅन डे’ उत्साहात साजरा झाला. या कार्यक्रमाचे अध्यक्षपद साहाय्यक कार्यकारी अभियंता मोहिते यांनी भूषवले. यावेळी साहाय्यक कार्यकारी अभियंता भजंत्री, कर्मचारी संघटनेचे संघटक सचिव मारुती दोडमणी, एससी आणि एसटी कर्मचारी संघटनेचे संघटक सचिव साद आणि कुरेर यांच्यासह शिवानंद गलगली, पी.एन. बेळ्ळीकट्टी व हेस्कॉमचे सर्व अधिकारी व कर्मचारी उपस्थित होते.

हवामान कोणतेही असो, दिवस असो वा रात्र किंवा कितीही कठीण परिस्थिती उद्भवली तरी जनतेला अखंड वीजपुरवठा करण्यासाठी रात्रंदिवस झटणाऱ्या पॉवरमॅनच्या सेवेचे उपस्थित अधिकाऱ्यांनी कौतुक केले.