बेळगावमधील वडगाव येथील सरकारी कर्नाटक पब्लिक स्कूल क्रमांक १४ मध्ये विशेष ‘शैक्षणिक व्यवसाय मार्गदर्शन मेळावा’ आयोजित करण्यात आला होता.

या मेळाव्यात विद्यार्थ्यांनी स्वतःच्या आवडीनुसार विविध व्यावसायिकांच्या वेशभूषा करून सर्वांचे लक्ष वेधले. शाळेच्या आवारात कोणी पोलीस झाले होते, तर कोणी डॉक्टर, आयएएस अधिकारी, लष्करी जवान आणि वकील बनून त्या-त्या क्षेत्रातील जबाबदाऱ्यांची माहिती देत होते. विशेषतः, खुशी बाळेकुंद्री या विद्यार्थिनीने पत्रकाराची वेशभूषा करून माध्यम क्षेत्राच्या कार्यपद्धतीबद्दल दिलेली माहिती उपस्थितांच्या पसंतीस उतरली.

या कार्यक्रमात मुख्याध्यापक आणि शिक्षक रंगन्नवर, शिक्षिका रूपा यांच्यासह शालेय कर्मचाऱ्यांनी सहभाग घेऊन मुलांना करिअरच्या महत्त्वाबाबत मार्गदर्शन केले. ग्रामीण भागातील सरकारी शाळेतील मुलांनी भविष्यातील उद्दिष्टे ठरवण्यासाठी असे उपक्रम प्रेरणादायी ठरतात, असे मत शिक्षकांनी व्यक्त केले. पालक आणि सहकाऱ्यांच्या उपस्थितीत पार पडलेल्या या मेळाव्यामुळे विद्यार्थ्यांचा आत्मविश्वास वाढण्यास मदत झाली.