बेळगाव तालुक्यातील देसूर येथे रस्ते आणि मंदिर बांधकामाच्या विविध विकासकामांना गती देण्यात आली आहे. महिला आणि बालविकास मंत्री लक्ष्मी हेब्बाळकर यांनी या कामांचे भूमिपूजन करून प्रगतीपथावर असलेल्या प्रकल्पांची पाहणी केली.

बेळगाव तालुक्यातील देसूर गावातील कमल नगर येथे सुमारे १ कोटी रुपये खर्चाच्या रस्ते निर्मिती कामाला सुरुवात करण्यात आली असून मंत्री लक्ष्मी हेब्बाळकर यांनी रविवारी या कामाचे भूमिपूजन केले.

या रस्ते बांधकामासाठी लक्ष्मी हेब्बाळकर यांनी विशेष प्रयत्नांतून निधी मंजूर करून आणला आहे. गावात सुरू असलेल्या विकासकामांना जनतेचा पाठिंबा मिळत असून, भविष्यातही ग्रामस्थांनी असेच सहकार्य करावे, अशी अपेक्षा लक्ष्मी हेब्बाळकर यांनी व्यक्त केली.

त्यानंतर, गावात सुमारे २५ लाख रुपये खर्चून बांधण्यात येत असलेल्या मारुती मंदिर बांधकामाच्या ठिकाणी भेट देऊन प्रगतीची पाहणी करण्यात आली. हे काम दर्जेदार पद्धतीने आणि लवकरात लवकर पूर्ण करावे, अशा सूचना लक्ष्मी हेब्बाळकर यांनी कंत्राटदारांना दिल्या.

यावेळी निंगाप्पा कोरवी, भरमप्पा पूजेरी, परशुराम पूजेरी, दुरगप्पा नाईक, कमलेश कोरवी यांच्यासह अनेक महिला आणि कंत्राटदार उपस्थित होते.