रुक्मिणी नगरमधील नवदुर्गा अय्यप्पा मंदिर परिसरात आयोजित पूजा समारंभात बेळगावचे गो रक्षक आणि समाजसेवक निलेश यांचा सत्कार करण्यात आला.

हा सत्कार सोहळा नवदुर्गा अय्यप्पा मंदिराचे अध्यक्ष आनंद शेट्टी आणि सुधाकर शेट्टी यांच्या मार्गदर्शनाखाली पार पडला. यावेळी मंदिराचे मुख्य पुजारी सुरेंदर गुरुस्वामी आणि विविध क्षेत्रातील सामाजिक कार्यकर्ते प्रामुख्याने उपस्थित होते. निलेश यांनी केलेल्या गो सेवा आणि इतर समाजोपयोगी कामांचे यावेळी मान्यवरांनी कौतुक केले.

विशेषतः कोरोनाच्या संकटात निलेश यांनी बजावलेली महत्त्वाची कामगिरी आणि प्राण्यांच्या रक्षणासाठी सुरू असलेल्या त्यांच्या गो सेवेची दखल घेऊन हा सन्मान करण्यात आला. निलेश यांनी केलेल्या कार्यामुळे समाजासमोर एक आदर्श निर्माण झाला आहे, असे मत यावेळी उपस्थित मान्यवरांनी व्यक्त केले.