काँग्रेसचे ज्येष्ठ नेते, माजी मंत्री आणि विद्यमान आमदार शामनूर शिवशंकराप्पा यांच्या निधनामुळे आज (सोमवार) विधान परिषदेत शोकप्रस्ताव मांडल्यानंतर कामकाज मंगळवारपर्यंत तहकूब करण्यात आले.

शामनूर शिवशंकराप्पा हे सभागृहाचे विद्यमान सदस्य असल्याने, विधान परिषदेचे सभापती बसवराज होरट्टी यांनी सर्वप्रथम शोकप्रस्ताव मांडला.

यावेळी बोलताना एन. भोसराजू म्हणाले की, शामनूर शिवशंकराप्पा यांनी शिक्षण आणि समाजासाठी मोठे योगदान दिले असून, दावणगेरेच्या विकासात त्यांची महत्त्वाची भूमिका होती. त्यांनी ६ वेळा आमदार, मंत्री, खासदार आणि आता विद्यमान आमदार म्हणून सेवा बजावली. त्यांनी त्यांच्यासोबतच्या आठवणींना उजाळा देत शोक व्यक्त केला.

तर विरोधी पक्षनेते चलुवादी नारायणस्वामी म्हणाले की, शामनूर शिवशंकराप्पा यांना ‘५५५’ या नावाने ओळखले जात असे. विराट व्यक्तिमत्त्वाचे शामनूर शिवशंकराप्पा यांनी शैक्षणिक आणि सामाजिक क्षेत्रात उत्कृष्ट सेवा दिली. ते ‘अजातशत्रू’ होते.

यावेळी सत्ताधारी आणि विरोधी पक्षाच्या सदस्यांनीही शामनूर शिवशंकराप्पा यांच्या निधनाबद्दल शोक व्यक्त केला.