शहरी प्रशासनातील प्रमुख घडामोडींबद्दल सर्वसमावेशक माहितीच्या देवाणघेवाणीसाठी नुकत्याच गुजरातमधील सुरत येथे आयोजित करण्यात आलेल्या “भारतातील महापौरांच्या परिषदेच्या संमेलनामध्ये” बेळगावच्या महापौरांच्या शिष्टमंडळाने यशस्वी सहभाग घेतला.

बेळगावचे महापौर मंगेश पवार यांनी या शिष्टमंडळाचे नेतृत्व केले. त्यांच्यासोबत, उज्जैनचे महापौर मुकेश तातावाला आणि बेळगाव महानगरपालिकेचे सत्तापक्ष नेते हणमंत कोंगाळी हे देखील संमेलनात उपस्थित होते.

या महत्त्वाच्या संमेलनात देशातील विविध शहरांचे महापौर आणि नेते सहभागी झाले होते. यावेळी बेळगावच्या शिष्टमंडळाने शहर प्रशासनातील सुधारणा, उत्कृष्ट नागरी सेवांचे आदर्श नमुने आणि भविष्यातील विकास योजनांबद्दल महत्त्वाचे विचारमंथन केले. सुरतमध्ये झालेल्या या राष्ट्रीय स्तरावरील संमेलनात सहभागी होऊन, राज्य आणि राष्ट्रीय स्तरावरील प्रशासकीय अनुभवांबद्दल सर्वसमावेशक माहिती प्राप्त झाली, असे शिष्टमंडळाने सांगितले. हा अनुभव बेळगाव महानगरपालिकेच्या आगामी कामकाजासाठी उपयुक्त ठरेल, असा विश्वास त्यांनी व्यक्त केला.