इलकल बसस्थानकात बसमध्ये चढत असलेल्या एका महिलेच्या बॅगेतून ४० ग्रॅम सोन्याचे मंगळसूत्र चोरीला गेल्याची घटना घडली आहे.

बागलकोट तालुक्यातील मल्लापूर गावातील बसम्मा राजनाळ या सिंदगीहून ब्याडगीला जाणाऱ्या बसमध्ये इलकल बसस्थानकात चढत होत्या. याच दरम्यान, चोरट्यांनी चलाखीने त्यांच्या बॅगेची झिप उघडून त्यातील ४० ग्रॅम सोन्याचे मंगळसूत्र, १५०० रुपये रोख रक्कम आणि आधार कार्ड चोरून पोबारा केला. चोरी झालेल्या मंगळसूत्राची किंमत लाखो रुपयांच्या घरात असल्याचे महिलेने पोलिसांना सांगितले.

बसमध्ये चढल्यानंतर महिलेच्या नातेवाईकांनी बॅगची झिप उघडी असल्याचे पाहिले आणि बॅग तपासल्यावर चोरी झाल्याचे लक्षात आले. तात्काळ बस चालकाने प्रवाशांना घेऊन बस इलकल शहर पोलीस ठाण्यात नेली.

पोलिसांनी बसमधील सर्व प्रवाशांची आणि त्यांच्या सामानाची कसून तपासणी केली, परंतु चोरीला गेलेले सोने सापडले नाही. या घटनेप्रकरणी इलकल शहर पोलीस ठाण्यात गुन्हा दाखल करण्यात आला आहे.