मागील वर्षी विधान परिषद सदस्य प्रकाश हुक्केरी यांनी कल्लॊळ गावातील दत्तजयंतीला उपस्थिती दर्शविली होती, तेव्हा त्यांनी पुढील दत्तजयंतीपर्यंत कल्लॊळ-येडूर पुलाचे काम पूर्ण करण्याचे आश्वासन दिले होते. हे आश्वासन त्यांनी पूर्ण केल्याबद्दल येडूर ग्रामस्थांनी आनंद व्यक्त केला आहे.

मागील दत्तजयंतीच्या वेळी कल्लॊळ गावातील कृष्णा नदीच्या तीरावर असलेल्या दत्त मंदिरात दर्शनासाठी आले असताना, त्यांनी पुढील वर्षाच्या दत्तजयंतीपूर्वी कल्लॊळ-येडूर पुलाचे बांधकाम पूर्ण करण्याचे आश्वासन दिले होते. त्यानुसार पुलाचे काम पूर्ण झाल्याने विधान परिषद सदस्य प्रकाश हुक्केरी आणि आमदार गणेश हुक्केरी यांनी आपला शब्द पाळत जनतेचा विश्वास संपादन केला आहे.

याचवेळी स्थानिक नागरिक अक्षय सावंत यांनी प्रतिक्रिया देताना म्हटले की, विधान परिषद सदस्य प्रकाश हुक्केरी आणि आमदार गणेश हुक्केरी हे नेहमीच लोकहिताची काळजी घेतात. ते आमच्या भागाचे लोकप्रतिनिधी असणे हे आमचे भाग्य आहे. मागील वर्षी दत्तजयंतीच्या वेळी विधान परिषद सदस्य प्रकाश हुक्केरी यांनी दिलेले आश्वासन या दत्तजयंतीला पूर्ण केले आहे. आश्वासन पूर्ण केल्याबद्दल येडूर ग्रामस्थांनी आनंद व्यक्त केला आहे.